ط
الشعر والأدب

فين زيك..غنائية للشاعر / كرم شحات

كرم شحات-

أنا ألاقى فين زيك
وانا مهما والله أطوف
برجع أسير ضيك
يا أُم القوام ملفوف
برجلتى أفكارى
وقلبتى أحوالى
ف غرقت وعشقتك
أكتر من المألوف
ياللى الحنان طبعك

…………………………….. أنا ألاقى فين زيك

أنا ألاقى فين زيك
دنا لما اكون جمبك
الدنيا بتغنى
وبحس من يدك
إم أمى مع ربى
راضيين قوى عنى
يا أم القوام ميال
القلب طب ومال
بالحب ضُمينى
ما تِكشى م العُزال
ولآ تِخشى على نفسك

…………………………….. أنا ألاقى فين زيك

أنا الاقى فين زيك
ياللى المُنى قلبك
الورد إيه يسوى
قدام جمال خدك
عايزك تبدْلينى
إحساس غمرنى غرام
عايزك تشاركينى
الدنيا والأحلام
ياللى إنتى انا عاشقك

…………………………….. أنا ألاقى فين زيك

# كيمو #

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى