ط
مسابقة الشعر العامى

في شرع مين..مسابقة الشعر العامى بقلم / طه السواح من مصر

قصيدة في شرع مين / عامية
………….
طه السواح من مصر

ف شرع مين !!
أعيش مصلوب على بابك
واسمي منقوش في كتابك
ملك وله سلطان وعزه وجاه

ف شرع مين !!
أعيش محروم من خيرك
أنا أبنك أنا سندك وضميرك
وكل يوم بأعيش ف100 مأساة

ف شرع مين !!
أودع كل يوم ورده
من البستان
واعيش غلبان
والناس تقول عني
ده كان انسان وربه بلاه

ف شرع مين !!
اكون منك واعيش منبوذ
وانا لحنك وموالك
وابن شرعي ف عيالك
وسيباني للوجع والأه

ف شرع مين !!
ابات عطشان وانا نيلك
وابات محروق
بنار ظلمك وحرمانك
انا واريـثـك الشرعي .؟
منا حصنك .
وليكي بر نجاة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى