الرئيسية » السيناريو والحوار » قارئة الفنجان .مسابقة السيناريو والحوار بقلم / عمر مصطفى محمود من مصر

قارئة الفنجان .مسابقة السيناريو والحوار بقلم / عمر مصطفى محمود من مصر

خاص لل مسابقة
الاسم .. عمر مصطفى محمود
البلد مصر
سيناريو فيلم قصير بعنوان قارئة الفنجان
رقم التليفون 01005820527
م1/نهار/خارجى
فى الشارع
نرى تيفا فى انتظار عبدالله
تتجة الكاميرة على عبدالله وهو داخل على تيفا
تيفا : اية يعم اتاخرت لية هنتاخر على الولية
عبدالله : ولية اية هى مش ولية
تيفا : اومال اية حجة ؟
عبدالله : ولا ولية ولا حجة
تيفا : اومال اية هنروح لطفلة
عبدالله : يعم دى شابة فى سنك كدة بس شاطرة اوى فى قراية الفنجان
تيفا : تصدق انا غلطان انى بمشى وراك .. مودينى واحدة فى سنى تقرالى فى الفنجان
عبدالله : يعم انا عايزك تتقل كدة .. تعالا بس نقعد معاها نشوف سكتها اية انت خسرا ن اية ؟
تيفا : انت جربتها قبل كدة ؟
عبدالله : طبعا دى قالتلى هتتجوز واحدة زى القمر
تيفا : واتجوزت واحدة زى القمر
عبدالله : اتجوزت واحدة شبهك
ينظر تيفا لنفسة بشكل كوميدى
تيفا : طب يلا يا عبدالله والله يخربيتك يلااااا
يتركون المكان
قطع
___________________________________________________________________
م2/نهار/داخلى
فى مكان قارئة الفنجان
تتجة الكاميرة ل قارئة الفنجان
قارئة الفنجان : مساء الفل عليكوا يا شباب والله نورتونى
عبدالله : والله دا نورك ونور قدمك الى زى السكر
تيفا : انت جاى تعاكس ولا اية يعم متلخص وتخش فى الموضوع هعهعهعه ازيك يا قارئة الفنجان
قارئة الفنجان : تمام كويسة يا شاب
تيفا : شاب ؟ هعهعهعه لا انا عبدالطيف وبيدلعونى يقولولى يا تيفا تقدرى تقوليلى يا تيفا
قارئة الفنجان : ماشى يا طفطف .. نسيت اقولكوا تشربو ايية
تيفا : اكيد هنشرب قهوة .. علشان تقرى الفجان
قارئة الفنجان : اهاا صح
عبدالله : انتى بتنسى ولا اية
قارئة الفنجان : لسة صاحية من النوم 3 قهوة يا محسن
تيفا : بسرعة يا محسن وحياتك .. علفكرة انا حاسس انى شوفتك قبل كدة
تتصدم قارئة الفنجان
قارئة الفنجان : لا انت مشوفتنيش خالص خالص
يدخل محسن بالقهوة
عبدالله : انت لحقت يا محسن ؟
الفنجان يتحط على التربيذة وتمسكة قارئة الفنجان
قارئة الفنجان : باين فى الفنجان انك واد غلبوص
عبدالله : غلبوص ازاى ؟ انت بتغلبص من ورايا ياض
تيفا : يعم اسكت سيبها تكمل كملى يا قارئة الفنجان
تتصدم قارئة الفنجان وتفزع عبدالله وتيفا
قارئة الفنجان : يا دينى النبى
عبدالله وتيفا : ايييييييية
قارئة الفنجان : انت وقعتك مهببة يا تيفا
تيفا : ليية
قارئة الفنجان : انت هتتجوز واحدة وحشة
تيفا : نعم يختى ؟
قارئة الفنجان : انت هتتجوز واحدة وحشة اية مبتسمعش
تيفا : لا انا ودانى تمام ما تقول حاجة يعم
عبدالله : هيتجوز واحدة وحشة ازاى
قارئة الفنجان : الى ظاهر قدامى كدة اظاهر يا عبدالله ان صحبك غلبوص مشى مع ستات مصر كلها
تيفا : بغض النظر عن كلامك انة صح بس انا مشيت مع مصر كلها هقوم لما اتجوز هنقى واحدة وحشة طب ازاى
عبدالله : اه صح ازاى
قارئة الفنجان : عادى الى بيلعب ببنات الناس ربنا بيرزقة بواحدة وحشة
تيفا : علفكرة انتى ولا بتفهمى اى حاجة فى قراية الفنجان وبكرة هتجوز واحدة زى القمر واجى اكبسك
قارئة الفنجان : انت حر بقى انا قولتلك وخلاص وبكرة هتشوف كلامى
عبدالله : اهدوا يا جماعة اهدوو متسبقوش الاحداث يلا تيفا
تيفا : يلا يعممم
قارئة الفنجان : مع الف سلامة
قطع
___________________________________________________________________
م3/نهار/خارجى
فى الشارع
عبدالله : مالك يعم قافش كدة لية
تيفا : يعم نرفذتنى انت مسمعتش قالت اية بتقول هتجوز واحدة وحشة
عبدالله : مش يمكن كلامها يطلع غلط
تيفا : وممكن يطلع صح
عبدالله : متسبقش الاحداث كمل انت فى حياتك عادى جايز ربنا ينفخ فى صورتك وتتجوز صافيناز
تيفا : وجايز ربنا يعاقبنى واتجوز واحدة شبة سيد معوض بقولك اية انا مش هتجوز خالص
عبدالله : اية يعم الاحباط الى انت فية دة فين تيفا العنيد
تيفا : الله يرحمة
عبدالله : لا انت تنشف كدة يا وحش انت تدور على واحدة حلوة اوى وتتجوزها وتكبسها
تيفا : تصدق صح يابن الل جاحدة
عبدالله : الله يخليك
تيفا : يعم مش انت بص الحتة دى
عبدالله : نسوان تانى انت محرمتش
ينظر عبدالله الى البنت
عبدالله : تصدق حلوة فرصتكك خش يا معلم
تيفا : اتقللللل
نرى تيفا متجة الى البنت (حنان )
تيفا : مساء العسل والسكر وكل حاجة حلوة تيجى فى بالك
حنان : مين حضرتك ؟؟
تيفا : عبداللطيف محمد وبيدلعونى يقولولى يا تيفا .. خريج سياسة واقتصاد ومش مرتبط ومن الاخر معجب بيكى فشخ وبلاش نضيع وقت ويلا بيناا
حنان : انت مجنون والله العظيبم شكلك مجنون
تيفا : هو الحقيقة مش شكلى هى عينى لما شفتك اتجننت ورجلى هى الى جابتنى هنا
حنان : بعد ازنك سيبنى امشى ورايا معاد
تيفا : لو داخلة عند قارئة الفنجان بلاش دى مبتفهمش دى بتقولى هتتجوز واحدة وحشة بصراحة صدقتها بس لما شوفتك اكتشفت انها كدابة تتجوزينى
حنان : اية انت بتتكلم بجد انت عايز تتجوزنى
تيفا : اهاا والمصحف ودلوقتى
حنان : انا موافقة
تيفا : اية السهولة دى ؟؟ اومال اية مجنون يلا بينااا
قطع
_______________________________________________________________
م4/نهار/داخلى
فى منزل عبدالله
نرى عبدالله ينادى على زوجتة وهو يشاهد التليفزيون
عبدالله : يا بوسى اعمليلى شاى
بوسى : حاضرررر
نرى بوسى تحط الشاى وتجلس امام زوجها
بوسى : كنت فين امبارح ؟؟
عبدالله : كنت مع عبداللطيف تيفا صاحبى
بوسى : مين عبد اللطيف دة ؟
عبدالله : دا الواد الشقى الى حكتلك معاة اصلة اتجوز
بوسى : اية دة اخيرا ربنا هداة
عبدالله : اسكتى دا بالعافية ولا كان مرتبلها ولا اى حاجة جت فجاءة كدة وزمانة دلوقتى مخمود من تعب
قطع
___________________________________________________________________
م5/نهار/داخلى
فى منزل تيفا
نرى حنان بشكل كوميدى وهى وحشة اوى وتصحى بشكل كوميدى
حنان : اصحى يا حبيبى بقى صباحية مباركة
يصحى تيفا بشكل كوميدى
تيفا : صباح ال. اعوز بالله من الشيطان الرجيم انتى مين
حنان : انا حنان مراتك
تيفا : حنان مين دة تشابة اسماء انتوا اتبدلتوا امتى
حنان : اتبدلت اية انا حنان والله
تيفا : متحلفيش انتى عفريتة وربنااا
حنان : والله مش عفريتة
م 6 /نهار/داخلى
نرى عبدالله وبوسى وتليفون عبدالله يرن ويحدث مكالمة بين عبدالله وتيفا
تيفا : الحقنى يا عبدالله فى عفريتة فى الشقة
عبدالله : ازاى الكلام دة انت قاعد فى حتة مسكونة
تيفا : متهيقلى كدة
عبدالله : ومراتك
تيفا : دى هى نفسها العفريتة البس بسرعة وتعالا
قطع
___________________________________________________________________
م7/نهار/داخلى
فى مكان قارئة الفنجان
تيفا : كلامك طلع صح انا اتجوزت واحدة اعوز بالله من شكلها
قارئة الفنجان : علشان تصدقنى بعد كدة
عبدالله : بس معقول بس معقولة الميكب يخلى الوحشة حلوة
قارئة الفنجان : اهاا طبعا
عبدالله : دا على كدة الى يتجوز يحط خطيبتة فى جردل مية
تيفا : يعم مش وقتة دلوقتى يا محسن واحد قهوة بسرعة اقريلى فنجان تانى
يدخل محسن بالقهوة
عبدالله : انت اية يا محسن بتجيب القهوة منين اية السرعة دى
قارئة الفنجان : يلا اشرب
يشرب تيفا القهوة
قارئة الفنجان : ايامك سودة ومش هتشوف يوم عدل
يظهر الحزن على ملامح تيفااا
قطع
_____________________________________________________________________
م8نهار داخلى
فى منزل عبدالله
بوسى : حصل اية تانى ؟
عبدالله : اتجوز واحدة وحشة اوى يا عينى علية
بوسى : وهيعمل اية
عبدالله : مش عارف اصلة مش هينفع يطلقها
بوسى : اية دة لية
عبدالله : علشان ماضى على موخر صداقة غالى مابل انة يتجوزها
بوسى : يا عينى دا شكلة هيموت
قطع
_____________________________________________________________
م9نهار/داخلى
فى منزل تيفاا
حنان : انا عارفة انك مش طايقنى بس انا لازم اصارحك علشان اخلص زمتى
تيفا : فى ايية ؟
حنان : قارئة الفنجان دى نصابة
تيفا : مش فاهم نصابة ازاى
حنان : اتفقت معايا انى اتجوزت وعملت االلعبة دى علشان تثبتلك انها قارئة شاطرة ويجيلها زباين كتير
تيفا : بنت اللللللللللل
فلا ش باك
قارئة الفنجان : هتعملى معايا حوار كدة انتى هتستفادى وانا كمان هستفاد
حنان : اية هو ؟؟
قارئة الفنجان : هخليكى تتجوزى واحد بس هحطلك ميكب هخليكى حلوة تشدية نحيتك وبعد كدة هيطلب منك انة يتجوزك ..
حنان : دا ازاى دة وهو هيرضى
حنان : وبعد كدة عرفت انها قرتلك الفنجان وقالالتك انك هتتجوز واحدة وحشة واتفقت معايا علشان تثبت انها صح ويجيلها زباين
تيفا : مممممممممممممممم
قطع
___________________________________________________________________
م10/نهار/خارجى
نرى تيفا فى منزل عبدالله
تيفا : قارئة الفنجان طلعت كدابة ونصابة اتفقت مع البنت الى اتجوزتها علشان تثبت ان كلامها صح ويجيلها زباين كتير
عبدالله : ازاى اللكلام دة
تيفا : زى ما بقولك كدة مفيش حاجة اسمها قارئة الفنجان ولا خرة انا كنت غبى كل حاجة ف علم الغيب
عبدالله : طب اهدة كدة لحد ما نشوف حل
تدخل بوسى بكوبايتين عصير وتصتدم عندما ترى تيفا وتيفا ايضا تصتدم
ونرى عبدالله ينظر لهما فى حالة استغراب
عبدالله : مالكم فى اية ؟؟
نرى الكاميرة تتجة الى عبدالله
فلاش باك
تيفا : بوسى لل اسف انا مش ينفع اكمل معاكى
بوسى : ايية ؟ انت بتهزر صح
تيفا : والله مش بهزر انا كنت بلعب بيكى ولما رجعت نفسى قولت كفاية كدة
بوسى : انت معقولة انسان زيناا ؟؟ انت معندكش لا رحمة ولا قلب انت اييية
تيفا : انا كنت زبالة فعلا بس والله بقيت انسان ودا الى خلانى اصارحك
قطع
نرى نظرات تيفا وبوسى تستمر
قطع
____________________________________________________________________
م11/نهار/خارجى
فى شارع
تيفا يذهب لقارئة الفنجان
تيفا: اوعى تكونى فاكرة انى ممكن اسيبك
قارئة الفنجان : انا عارفة انك عرفت الحقيقة وانا زى مااتفقت معاها انها تعمل كدة اتفقت معاها بردك تقولك وتكشفلك الحقيقة مبروك عليك العروسة الجديدة
تيفا : كمان اتفقتى معاها تقولى دانتى جريئة اوىى
قارئة الفنجان : طبعا جريئة انت خلتنى اعيش اصعب ايام فى حياتى دلوقتى بس مرتاحة علشان شايفاك وانت واخد اكر مقلب فى حياتك
تيفا : انتى مين ؟
قارئة الفنجان
..
النهاية

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

غدر يقتل الطيب . مسابقة السيناريو والحوار بقلم / محمد شمس من مصر

الاسم : محمد شمس العنوان المنزلة دقهلية نوع المشاركة سينايرو و حوار رقم الموبايل 01206648359 …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *