ط
مسابقة الشعر العامى

قالوا ع الدنيا ..مسابقة العامية بقلم / خالد الكردى من مصر

خالد الكردي ——خاص بسابقه مجله همسه 2016——رقم الموبايبل 01154618688 —-جمهوريه مصر العربيه ——-عاميه —بعنوان -قالوا ع الدنيا——————–قالوا ع الدنيا ———–

قالوا الدنيا
ست عجوزه وليها تجارب
قولت وماله
اهو بنتعلم وده ف الغالب
يعني نكون
عايشين ف الدنيا عليها تلاميذ
مها كبرنا
نحس بطعم العمر لذيذ
اوعي ياصاحبي
تقول انا فاهم وماتفهمش
وان مافهمتش
حاجه مش عيب ماتقول مااعرفش
ممكن تشرح
تاني وتالت وماتزهقش
واللي بيعرف
انه يعوم بمهاره ياصاحبي مابيغرقش
اسمع مني
نصيحه عشانك وماتزعلش
اللي يجيب
سيرتك ف غيابك مايحبكش
واللي يسيبك
وانت ف حزنك مهما يقولك ماتصدقش
اسف اني
قلبت دماغك كل كلامي هاتش ف هاتش
————–قالوا ع الدنيا———
بقلم
خالد الكردي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى