في سوق الكلام اشتريت كلام من أجل الوطن و الغريب لقيت حروف
و كل حرف
له تمن
فيه حرف شَريف
و كمان نظيف
و عمره م الزمن
بنفس عميق
و صوت رقيق
مليان بالشجن
بتحب مصر ؟
ايوه باحبها
حتي و هي
وسط المحن ؟
أيوه طبعا
و كأنها بتذاكر
و ها تمتحن
ما أنت شايف
حوالينا شعوب
صديقة بتطحن
قول بصوت قوي
مصر .. مصر
و نادي شعبها
يلبي بسرعة و يتشحن
شايف عَلمها
و كمان شبابها
شايف تُرابها
شايف كمان
تاريخها و مجدها
مصر دي
أغلي وطن
( تهاميات
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
