الشعر والأدب

قصيدة ( أحلام منسية ) بقلم الشاعر / أيمن سيد الشاذلي

 قصيدة أحلام منسية

قصيدة عامية

شئ مخيف لما تلاقي حلمك قدام عنيك بالنهار

وكل حاجة حلوة قدامك بتنهار

والحلم إلي حلمتة بقي زي الكاس

إلي من برا شفاف وجواه مليان عذاب ومرار

وكل واحد صاحبتة نسيته من غير متختار

والعباية والشال الكشمير كلتهم الشمس

والمشي تحت الحيطان وسط النهار

والدموع إلي في عنيك تزرع شجر

طرحت لمون علقم من غير امطار

كل إلي جوايه مجردحلم بقي كابوس

بس أنا شكلي معرفتش أختار

شوف الشوارع الضلمة والكلاب المصعورة

والشوك والصخور والمدقات والأبيار

هو دة طريقي بعد ما طفح المرار

والخدود البيضه إلي كان بيكسيها الاحمرار

بقيت يا ود من التعب دبلانه وش ميت

مدقوق فيها قصتها بالف مسمار

قلبي بقي حجر والعيون سرقها الظلام

والشجر إلي بيضلل علينا بقي شوكة

والحلق كأنك ولعت فية بالنار

والتار إلي حلمت أخدوا في يوم سبته

علشان الصبي يكبر ويكمل المشوار

أنا راجل جدع بس الزمن غدار

كلمات أيمن سيد الشاذلي ديوان الذهاب إلي المجهول

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق