ط
الشعر والأدب

قصيدة ( أنا بكدب) للشاعر / أحمد عامر

انا بكدب ………………

و لولا الكدب يا بنتي

ما كنت احب و اشتاقلك

و انا بكدب ،،، ليكي اجري

و اضمك في حشى صدري.

و افضل اقول كلام ف الحب

و املا بالكلام ودنك

و انتي عارفه ان انا كداب

و حابه تسمعي كدبي

و ضمّاني على صدرك

و ناسيه بالحياة وذري

صحيح بكدب و ده قدرك

و انا بكدب عشان خاطرك

و يوم ما تموتي..

هكون بكدب على قبرك

ما انا راجل

اراهنك تجيبي رجال

ماتكدبشي ولا تشرك

و لو قولت الحقيقة ف يوم

مانيش هاانسى ف يوم وذرك

ولا تيجي على خاطري

بحبك وقت ما بكدب

و احبك وقت يكون صدقي

بحبك ايوا بحبك

و اشارك بالحريم ودك

ماهو الراجل كما النحله

بتعشق كل يوم وردة

و ييجي ينام على وركك

ماهو انتي خليتي و بيتي

و باأحسد ف الهوا صبرك

ما انا قدرك و انا مطرك

و انا الكداب وابو طفلك

و وقت يزيد ف يوم كربي

تضميني على صدرك

و تتغازلي برموش عيني

مع اني ماليش رمشه.

و انا وديني باأموت في

سماع كدبك

و انا اجرأ راجل قابلك

ولو قولت الحقيقة ف يوم

راح ألعن سلسفيل جدك

وربي خالقني راجل مجنون

محللي اربعه مثلك

و اتنطط شمال و يمين

و ألعب بين غصون و غصون

و اشتاقلك

و اقسم لو امام عادل،

و بس العمر ما عداش

بينسى ف الحريم دينه

كأنه راكب القشاش

بينسى الدقن و الهيبه

ولا يخشاش،.

و يكدب حتى على ستك

ماهي دنيا الكدب فيه كتير

و عايشينه ب ليل و نهار

و آسف جد ع التقصير

ماهو انتي الجمال و الدار

و لو ودك انا ردك

و انا توبك على قَدك

و غازل توبي على قِدك

يا تاعباني و جناني و هداني

يا شيخه ربنا يهدك.

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى