الشعر والأدب

قصيدة ( حب تشوف ) بقلم الشاعر / عمر عبد العزيز زهيرى

حب تشوف

“تداعيات العزله”

تحس انك راجع للنور

وفقلبك شوق

ضلعك مكسور

ترجع تاني تبص لفوق

فجأه تفوق وسايب خلفك

كوم افكار و ركام وحكاوي

كلام محروق

وتزلزل النغمه كيانك ك المسحور

و كانه بينادي عليك

همسه ملت قلبك وعنيك

تمحي صدا منتور حواليك

وتدك السور

تبقي واقف وحدك وياه

مش محتاج غيره يبص عليك

تايه ووصل من غير عنوان

حيران قرر

فعرفله مكان

وتحسك هترد عليه

ولا تعرف أذا اللي ندهلك صدي قلبك

ولا حقيقي صعبت عليه

وما تعرفشي هتقول ايه

هتردد اغنيه قديمه

ولا تتبرع ب جنيه

ولا تصوم او تجري تهرول

ولا تولع تلاتين شمعه

ولا تطفي نيران للشمع

مدت مسكت فينا وفيه؟؟؟

واسترجعت كلام الشعرا

والحكما ما ارتحت اليه.

غمضت عنيه ولقيت

دربي يبان

اوله يافطه من كذا كلمه

اتكلم وبأي لسان

اتبع قلبك

كن انسان

عمر عبد العزيز

من غرفة العزل

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق