السيناريو والحوار

قصيدة (على وعدى) للشاعر / ايهاب يحيى عبد النبي

على وعدى انى اكتبلك حاجة

من شوق الجتة المحتاجة

من زحمة اعضائى الخايفة

على فردة حضنى ل ولا حاجة

ابدأ م النية المستاءة

من طول السكة السراقة

من تاكسى يسلمنى لتاكسى

وعيونك هى السواقة

آخر بونديرة على القمة

لفة مراجيحك وبذمة

بتدور أشواقى لكاسك

فأشرب ما انطقش بولا كلمة

وبدوخ واتسوح فى المعنى

والعصر بيدن ع المدنة

الوقت بيجرى ف أحضانك

قربت استسلم واستنى

كان نفسى اشبع واقول مليت

ومادام فيها كان يبقى احنا ياريت

وانا لسة يا ريتك رغم انك

غيرتى النظرة وسبتى البيت

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق