ط
مسابقة الشعر العامى

قصيدة (لون العلم) مسابقة الشعر العامى بقلم / رمضان سالم ( العلالقة )

لون العلم 🇪🇬
خاصة مهرجان همسة الدولية للأدب و الفنون
الدورة الثامنة ~ فئة العامية
الاسم رمضان سالم ( رمضان العلالقة )
مصر ~ الفيوم
~~~~~~~
رفرف جناح حلمنا
طاير و علا لفوق
يطوي خطاوي المحن
و يسابق المسافات
و الصوت يشق الفضا
و ينادي فيك زغاريد
يا مصر يا ام الهرم
شديني من أيدي
أبدر نجوم في السما
و تميل عليك عناقيد
بسمة بطول وقتنا
و احلامنا نقطفها
و الضي من فجرنا
يكتب على جبينك
أنسي ليالي الألم
دا الشمس هتنور
تملا شطوطك فرح
و الضحكة هتكفي
تروي حيضان الأمل
و نبص في عيونك
نلمح في عين الزمن
ورد الربيـع طـالع
عطشان يا رمل الجبل
و المية في كفوفي
تجري في عرق إنما
من قلبي و في روحي
واهب حياتي فدا
معرفش يا ٱمهَ الخوف
و ادي التاريخ متنسى
مكتوب سطور من نور
لكن خطوط الأسى
من جرح كان مفتوح
لَمّوا فنون الخدع
في الزحمة و اللمّة
لكن كـلام النـبي
أجمل كلام أتقال
ٱمان هيفضل كده
و الخِيرة في جنودك
عازمين على غسلها
من جمر مش معقول
و تدوب ٱهاتك بقى
مَ الكسر بات مجبور
و لبسنا توب العَلم
و العِطر طُهر النيل
و لّفين يعود الوجع
ما عاد في أرضك بور
قمحك سنابل دهب
يرقص على صوتي
خلص كفاية الجدل
هعني فيك مواويل
و تفوت ليالي السنة
ضي القمر باقي
راسم على خدنا
لون العَلم يا أمهَ 🇪🇬
~~~~~~~~~~
بقلم / رمضان العلالقة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى