مسابقة الشعر العامى

قصيدة (مانيكان) مسابقة الشعر العامى بقلم / رامى محمد زين العابدين عبد الحميد

الاسم : رامى محمد زين العابدين عبد الحميد
اسم الشهره : رامى زين
الدولة : مصر – محافظة الإسكندرية
رقم الموبايل (واتس اب) ٠١٢٧٣٧٥١٧٧٥
شعر عامى : قصيدة مانيكان

عايش بينكوا بتنفس
لكن حسى مهوش طالع
فى رسم الضحكه متخصص
على وشوشكوا
انا بارع

انا الشارع
الواصل بينكوا
وبين تحقيق
امانيكوا
انا البيت اللى سكنكوا
يوم وقعت مبانيكوا

انا ف اليتم اهاليكوا
وعزوتكوا
وباب بيتكوا
انا المفتاح لكل اقفال
مشاكلكوا
******
اشوف الراحة ف عيونكوا
اصير مرتاح
ولو كان جسمى بيعانى

اشوف العلة فى ابدانكوا
انشغل بيكم
وانسى العلة اللى وجعانى

انا البحر اللى ياما جيتوه
عطاشه وجبر عطش ريقكوا
تشيلوا الهم م الدنيا
يشيل الهم ويشيلكوا
انا النجدة اللى بتجيلكوا
ف كل أوان
انا الاستبن للعجلة
اللى منكوا تنام
انا قدام
اللى شايلينوا
للعوزه
انا الخوذه اللى بتحمى
راسكم ساعة الضرب
انا دكتور الخيمة
وقت الحرب
*****
اخدت اجازه م نفسى
وم الدنيا
بدون راتب
وصرت مراكبى
ف حياتكوا
بيمشيلكوا ف مراكب

انا الراكب فى مراكبكوا
لا هى ملكى
ولا انا ليها
تركت مركبى وجيتكوا
اشوف عليتكوا
واداويها
زرعت فى ارضكم
مرضى
وكما ارضى
انا اهتميت
لا يوم شكيت
حملوكوا الزايد
ولا عمرى فى يوم
نخيت
****
بدارى الحزن فى هدومى
لبهمومى
اضايقكوا
اشيل الحلو من يومى
وبعيونى اهاديلكوا
اشوف الفرحة ف عيونكوا
الدمعة فيا اداريها
اسيب افراحى لافراحكوا
يزيد افراحكوا بدعيها
*****
مرور الوقت خلاكوا
تشوفونى كشىء
غريبة أنى ف يوم
احزن
او اشعر ضيق
مانيكان مهوش
محتاج لحد
بيه يهتم
انا المنيكان اللى نسيتوا
أنه لحم ودم
اقابلكوا بضحكه شفافه
بدون الوان
انا المانيكان
الحاجه اللى محتاجه
تحسوها
انا الحاجه اللى فكراكوا
لكن دايما بتنسوها

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق