مسابقة الشعر العامى

قصيدة مستنى ايه مسابقة شعر العامية بقلم /عبد اللطيف مبارك عبد الحليم××مصر

عبد اللطيف مبارك عبد الحليم××مصر محافظة المنبا ××ت 01015028055 ×× شعر العامية ××قصيدة مستنى ايه ××
لما تلاقى بلادك يوم بتنادى عليك
لما الارض تشقق مستنية اديك
لما النيل الازرق يبكى ويبكيك
مستنى ايه
لما ترابك مستنيك ياخدك بالحضن
لما تلاقى الزرع بيدبل فوق الغصن
لما الارض السودة بينشف منها القطن
مستنى ايه
لما تشوف السرقة بعينك والخاين ماشى بينى وبينك
لما بلادك تصرخ فينك مستنى ايه
لما تلاقى النور بقى ضلمة ولا قادر تتكلم كلمة
حق بلادك فى ادين ظالمة مستنى ايه
لما تلاقى الظلم بيكتر لما تلا قى الزرع مش اخضر
لما تلاقى كيانك اصغر من كل العالم حواليك
لما تلاقى حاميها حراميها والكل امال ينهب فيها
وهى بتصرخ مين يحميها مين يحضنها الا اديك
مستنى ايه

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

‫7 تعليقات

  1. الشاعر المقتدر الشاعر عبد اللطيف مبارك ,,,, لكلماتك رونقها الخاص و لك لغتك التي لا يشبهها أحد غيرك و من هنا كان تميز حرفك الذي احب قراءته و الاستمتاع به و بما بين السطور .. شكرا لك لما أمتعتنا به و تقبل ودي و تقديري راائئئئئئئع جدااااااااااا بالتوفيق إن شاء الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق