الرئيسية » مسابقة الشعر العامى » قصيده الجبهة . مسابقة الشعر العامى بقلم / عبد الله عتمان .مصر

قصيده الجبهة . مسابقة الشعر العامى بقلم / عبد الله عتمان .مصر


الشاعر عبدالله عتمان
محافظه سوهاج
خاص بمسابقه مهرجان همسه .

الشعر ( عامي )
قصيده الجبهه
نامي ف حماي
امنك حداي
ومتشليش هم لعداي
ومتخافيش من اللي جاي
منا اللي تملي بحميكي
وحامي حمايا علي حسك
وانا اللي تملي بفديكي
فدا الحاجه اللي بتمسك
وانا اللي حياتي لوصالك
وانا الجندي اللي متصانك
وانا اللي عنيا ماتنزل
علي العين اللي بصالك
وانا الشمس اللي ماتغرب في اي مغيب
وانا السهران علي حدودك عيون الديب
سواعي في قلبي مختارك دفا وحبيب
وانا الصدر اللي متقبل رصاص الغدر مهما يصيب
وانا اللي عبرت ماتهبتش نيران انابيب
وانا اللي اف لولا وقف النار لكنت دخلت تل ابيب
انا اللي شايلك علي اكتافي بقولك اوعي لتخافي مدام جيشك مربي اسود
اسود حره ولحوم مره يخاف منها العدو بره
بلادي بلادي متخافي
وراكي صمود يهز جبال
في ضهرك والله رجاله
في وقت الحوجه دول سندك
ووقت الشده خياله
بلادي بلادي ياحره
فداكي ياروحي اعظم فرد
بلادي بلادي ماتخافي
هصون شرفك وصون العرض
وليه يابلادي هتخافي
وانا الخيره اف جنود الارض
وانا الجندي اللي ميسلمش
وانا الروح اللي لو تطلع
متين مره متستسلمش
وانا الفارس وانا الحارس لأراضيكي
وأنا اللي حياتي مرهونه بتمن حبي اني ارضيكي
وانا اللي بدمي هسقيكي
وانا اللي بروحي هفديكي
لأني وهبتلك عمري وعمر اللي مهوش عمري فدا ليكي
دانا اللي في عيني اطفالك وكل نساءك الحره
وانا اللي بلادي لو نادت أموت وانا راضي ميت مره
وانا العاشق للون شارع بيضحك وياطلعه فجر
وانا العاشق للون نيلك
في طله قمره وقت البدر
بلادي سلاحي ده الصاحي مبينمشي
تملي السن فيه حادد ميتلمشي
وعشان تنامي مرتاحه
هغطيكي بحباب رمشي
يابلادي نادي وهتلاقيني
جايلك ورافع في الهوي راسي وجبيني
نديني تلاقيني قدامك
واقف بطل وسلاحي خدامك
انا اللي بلادي لو نادت بكون حاضر بقول حاضر
يابلادي انتي اللي في الخاطر
وخاطرك عندي من حالك
بتحزني يوم اكون سندك
واكون جنبك وأقول مالك
في ليل فيه الظلام حالك
انا الدم اللي بات سايل علي رمالك
وانا المغوار وانا اللي غيور
فيوم كان العدو مغرور
وكان فاكر بأني ضعيف
انا اللي جنيت الحضور
وعديت بالعلم بالريف
وغرست العلم علي الجبهه
واما العلم رفرف
حسيت بكلمه نصر
وعشان خاطرك يامصر
هسقي العلم بدماي
ونام وانا خدي لترابك واقول
نامي اف حماي
امنك حداي
ومتشليش هم لعدايا ومتخافيش من اللي جاي .

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

طقوس سرية .مسابقة الشعر العامى بقلم / مها الغنام .مصر

مسابقة الشعر العامى -اسمى مها الغنّام -مصر القصيدة بعنوان (طقوس سرية) مها الغنام طقوس سرية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *