الرئيسية » الشعر والأدب » قصيده بعنوان…… نفسى أعيش كلمات الشاعر محمد ثروت عبدالحفيظ

قصيده بعنوان…… نفسى أعيش كلمات الشاعر محمد ثروت عبدالحفيظ

قصيده بعنوان…… نفسى أعيش

نفسى أعيش
زى الدراويش
بالى رايق
ف الهم ماليش
لا ده يخاصمنى
ولا يعاتبنى
وكنوز الدنيا متلزمنيش
باقينا عايشين
علطول تايهين
ع الحال ده ياصحبى
بقالنا سنين
أحلامنا إيه
ودى ماتت ليه
أرجوك ياصحبى
ما تسألنيش
سنين بنعانى
من التهميش
شباب ضايع
شيش بيش
بيشد كله
علشان يعيش
وشاريف تشوفه
خيناه ظروفه
يركن مبادئه
ويبيع حشيش
عالم وغاويه
فن التطنيش
عيش ياصحبى
وخلينى أعيش
شرف وأمانه
ما تقوليش
وضميرى مات
ما تصحنيش
والكل ماشى
عمال يكوش
شمال يمين مايهمنيش
علشان لبكره
أنا أقدر أوصل
وإنشاله بعده
ولا لحظه أعيش
ولا فيه إحساس
وكأن الناس
زى الديابه مابتتحنيش
وإن جيت فى يوم
تقول مظلوم
وإحتاجت صاحبك
علشان تعيش
عليه تدور
ومهما تدور
ما هاتلقيش
وعليك يقول
بقى معقول
لساك غشيم
مافهمتنيش
معاك فلوس
صحبى وحبيبي
ممعاكشى أمشى
ما تلزمنيش
ولا طيبه نافعه
ولا جيره شافعه
والناس منافقه
على كل لون
تملى تعيش
باقيه الحكاوى
والقلب غاوى
ب أكتب همومى
على القهاوى
عاشق وهاوى
والكل ناوى مايسمعنيش

كلمات الشاعر محمد ثروت عبدالحفيظ

تعليقات

تعليقات

عن مريم فتحى

مصممة جرافيك المجلة

شاهد أيضاً

أيلول ُ ينتظرُني .. قصيدة للشاعر / زكريا عليو

& & أيلول ُ ينتظرُني & &… .. مذْ سقطَ مغرِّباً وجهي جثوتُ على أطرافِ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *