الرئيسية » مسابقة الشعر العامى » قنطار هموم .مسابقة شعر العامية بقلم / جهاد محمد بدر من مصر

قنطار هموم .مسابقة شعر العامية بقلم / جهاد محمد بدر من مصر

Spread the love

فئة العامية .. قِنطار هموم .. قصيدة بالعامية المصرية .. جهاد محمد بدر – جمهورية مصر العربية .. للتواصل على الفيس أو 01062801076

مين اللى قال ممكن نعيش
فى وحل بين كل الأنين

مين اللى ناره بجنتى
سارق دموعى المحبوسين

قُضبان وراها ضعفنا
وسط الديابه المسعورين

و كتير ديابه من البشر
بيعيشوا بين المجروحين

قِنطار هموم ممكن يزول
لو ضحكه تقدر يوم تلين

أو تصفى بين كل الدروب
تشفى صدور الشقيانين

قالوا السعاده فى الجيوب
قولت علام الغيوب

قادر يبدل دمعتى
حتى و لو قولتم يا دوب

قادر أعيش بين البشر
أو كنت بانحت فى الحجر

أو شر صاب كل البلاد
فالقلب عمره ما انفطر

يا اللى إنت بايع للأمان
بايع لناسك و الوطن

كفن ضميرك بالهموم
و بكام جيوبك يا كفن

ما تقولّى شابت ضحكتك
و لّه انت راضى بالمحن

كام دار بنينا بالعيوب
و ازاى تعوم كُل السُفن

بالنار بتحرق جنتى
و لّه بتسرق فرحتى

ناس بالفساد ماتت خلاص
و الدم سال على صفحتى

اللى بناها زمان بطوب
و اللى بيحرق ف التراث

و اللى دموعه دموع لطير
و اللى يدور ع الميراث

و ف قرصه من برد الشتا
لإبن واقف ع الحدود

عيون بتترجى الدفا
من غدر مفتول بالقيود

و فى لحظه ساد فيها السكون
عَمّ الصراخ
دمع الأرامل يشتكى

تُصمت و تُنظر للسما
بتقول يا عالم شكوتى

قولوا لكل الغدارين
حالفين لنبنى بالولد

حُب الحياه حُب الوجود
و حُبه لتراب البلد

حالفين لنبنيها البلاد
بإيدينا و إدين الولد

قولوا لكل الغدارين
عاشقين ترابك يا الوطن

و يموتوا هما المشنوقين
و لا نتركك بين المحن

…… قولوا لكل الغدارين
عاشقين ترابك يا وطن

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *