مسابقة الشعر العامى

قيام جلوس..مسابقة شعر العامية بقلم/ احمد مصطفى سيد من مصر

الاسم : احمد مصطفى سيد
الدوله : مصر
موبايل : 01067321897
نوع العمل : شعر عامى
اسم العمل : قيام جلوس

قيام جلوس
يلا اسكتوا
السنه دى مفيش دروس
هو درس واحد بس
اسمه كل واحد فين
مش هقول لحد اقعد
كله عارف مكانه فين
مش هزعق فى الكلام
اصل مش محتاج علام
اللى راح اقوله درس
سهل يلا سكوت و هص
مش هصنف حد فيكوا
كلكم ناجحين خلاص
بس نجاحكوا اخره ليكوا
ده اختياركوا فى الاساس
فى اللى ناجح فى الوفاء
اللى عنده الغدر ازمه
و اللى ناجح فى الخداع
فاضى عقله مالوش لازمه
بس واحد فوق الراس
و التانى اخره فرش جزمه
اللى ناجح فى الغرور
اللى كبره بنى القصور
اللى شايف نفسه اهم
والباقى كله يقول يغور
اللى فاكر النفوذ سلاح فى ايده
اللى فاكر انه خلق الله عبيده
اللى عاوز كل الدنيا ليه تطاطى
وهو اصله حقير و واطى
اللى بيقول على الضعيف انه عاجز
جاهل انه بين دعائه ويا ربه مفيش حاجز
اللى جنبك عاش يمثل انه حابك
وانت تتدور يجيب للناس فى سيرتك
و اما تيجى تعاتبه ليه يضحك فى وشك
تفرق ايه عن اليهودى كده سعادتك
ده اليهودى فى الطباع كده اشرف منك
على الاقل بكره ليه عمال يجاهرك
اقفلوا الكشاكيل و يلا روحوا
اظن كل واحد فيكوا عارف مطرحوا

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق