الرئيسية » الشعر والأدب » كان ياما كان للشاعر/ مدحت عطية

كان ياما كان للشاعر/ مدحت عطية

مدحت عطية

كان ياما كان
كان فيه رجاله
زمان
بيغيروا على بلدهم
غيرتهم .. على النسوان

كان فيه شعب
بخطوه طوفان
لو ثار لكرامته
تلقاه .. بركان

كان فيه أرض
حواليها فرسان
كان فيه بلد
كان فيه إنسان

كان ما ياكلش
وما يقولش .. جعان
كان نوع من الناس
ما ينامش وبلده
بتتهان

لو نادى فيهم
صادق
يقفوا .. ويسمعوا
يجروا عليه
وقدامه .. يوسعه
ولو حسوا بخاين
يرجعوا

لما تقول قصادهم
البلد .. بيدمعوا
لما تنادى عليهم
زى الشمس .. بيطلعوا

جه من بينهم بليد
دار بيهم يمد .. الأيد
علمهم إزاى .. يركعوا
إزاى يشتروا
بعد ما كانوا .. بيزرعوا

بعد ما كانت
اللقمه بتكفيهم
علمهم إزاى .. يطمعوا
إزاى ينافقوا .. ويخدعوا

مد إيده
سرق أيامهم
شال الطريق
من تحت قدمهم

موت بكره
قدامهم
لون بالأسود
أحلامهم

مدحت عطية

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

لن اعشق غيرك بقلم / محمود الفقى

لن أعشق غيركِ …………………………….. لــن اعشق غيـــــــركِ….اتعــــلمِ لمــــــاذا ؟ ليس لانني ما زلت اعشقـــــكِ ! …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *