الرئيسية » الشعر والأدب » كلام في كلام..للشاعر / رمضان العلالقة

كلام في كلام..للشاعر / رمضان العلالقة

رمضان العلالقة
********
كلام في كلام
و كله كلام تأليف
أشوف الزيف يتمرجح
على الأحلام
أتخندق في ليل مظلوم
و أفوق م النوم
على همسة و فيها اللوم
أنده على الأيام
تروح في زمان
بالغدر كان معروف
يروح الشوف
و أقوم زعلان
أقول أزاي
وضعك ما يتغيرش
أفكر فيك ما افهمش
و اكتم على الأسرار
أدفنها في أرض الخوف
ارمي بايدي الفرش
و أفوق مفزوع
من حلم كأنه قمار
أحس بنار
بين الحشا و أحتار
ارسم على الفركشة
كلام مفهوم
تاريك بتدوم على حالك
ما فيش تغيير
اخبي الأسى في الليل
و ضحكة قمر مخسوف
احضن في هم تقيل
و كل م أشيل
الوضع يبقى خطير
اكتب على جناح الطير
سلم على الأحباب
ترد الباب من غير تفكير
يعود الطير
مكفي ما يتكلمش
و الضحة ما يعرفهاش
تروح و بتمش
ما تسأل عن اللي غاب
من قسوة في زمان كداب
و ليها في القلوب تأثير
تقول معذور
و تسأل عن الأسباب
نعوم في بحور
و نغرق في موج النار
يموت كلام
يتألم على الأحلام
يسوء الحال
و يغني في جوف القول
يقول موال
عن الحلم اللي مات مقتول
^^^^^^^^^^^^^
بقلم / رمضان العلالقة

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

إضحك..قصيدة للشاعر / محمد البدراوى

إضحك للشاعر محمدالبدراوي   ضحكة بصوت مخنوق ولازم منها تفوق إرميها يلا وراك عشان الدنيا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *