الرئيسية » الشعر والأدب » كل حاجه ..قصيدة للشاعر / كمال كرباش

كل حاجه ..قصيدة للشاعر / كمال كرباش

كمال كرباش
….. كل حاجه ……

أنكسر
جواياى حاجه
عارف
يعنى ايه حاجه
حاجه
تنهى كل حاجه
لما تكون دايما بتتدى
ومش مستنى اى حاجه
مقتنع بالرضا باى حاجه
تروح هناوتيجى هنا
مش فارقه عندى حاجه
المهم اللى فى ضميرك
كان ممكن
اكون كل حاجه
لو بعت ضميرى يوم
كان فى ايدى
كل حاجه
بس علمت غيرى
أن ما فى حاجه بتدوم
و أن اﻷخﻻق كل حاجه
خلى اللى يركب السفينه
يركبها
ويقول انه ركبها
ويقول ان بنفسه بيعمل
كل حاجه
وانها سايره وماشيه
ده الطوفان
بياخد فى لحظه
كل حاجه
وده مصير كل حاجه
فى لحظة تبدا
ولحظة
تنتهى كل حاجه
ومش حايفضل منها حاجه
غير سيرة حلوة
تكون سايبها
هى دى تكون أهم حاجه
واوعى تبكى على حاجه
ﻻن مفيش حاجه محتاجه
يمكن خير .
هو حد يعرف حاجه
انا ممكن أهتز وأتآثر
لكن ده مش المفروض
المفروض كان موجود
بس خﻻص
ماعادش له وجود
كل شئ مصيره يزول
لو مش النهارده
حايبقى بكره
مفيش حاجه حاتفضل
كده على طول
انا حا أخلى ايمانى
لما حاجة ساعتها تحصل
ولما تحصل
حا أرضى بيها
ﻻن هى دى الدنيا
اللى بنعيش عليها
مرة تدي بلون وردى
وكام مرة ما تتدى
يوم تدينا وشها
ويوم نشوف منها
وساعة كده والتانيه كده
وما بينها ﻻزم نرضى
ونؤمن بالقضا
ولما يكون طبع البشر
والبشر مش فى ايدها
حاجه
دى كل حاجة
تدبير رب البشر
لما بيجى وقتها
بينتهى كل حاجه
يارب ارضا باللى انكتب
وما احتاج من حد حاجه
ﻻن انت يا رب
اللى فى ايدك كل حاجه
انا با خاطب الضمير
للى يكون حاسس
ان لسه جواه ضمير
انت راضى عن ضميرك
وحاسس بأوجاع غيرك
حاسس بأنك كده عادل
اياك تخطئ فى حق غيرك
اوعى يهديك كده تفكيرك
او يفكرلك كده شيطانك
او تزيد فى اوزارك
او يصورلك خيالك
أنك بكده تكون بتعدل
دى ممكن تكون بتميل
وتبعد عن الحق ميت ميل
ازرع خير لجل بكره
يمكن يترد الجميل
حاسب من دعوة
ما تقولش ما ليش دعوه
لو تعرف الحق
اوعى تحييد عنه
اسلك طريق مشروع
أكسب رضا ربك
أكسب قلوب الناس
بنصيحة تتركها
ولو حاجه مش فايداك
من السهل تتركها
وأوعى تزعلك حاجه
دى دنيا وحا نفوتها
وكلمه قولنها
مهما حاتعيش فيها
مش حا تاخد منها حاجه
بس اللى يعمل خير
أكييد بيعود له
عيش واحمد ربك
على نعمه يوم جت لك
ولو حاجه أتاخدت منك
قادر ربك يعوض لك
ده نتيجة ايه
فعلك وعملك
ساعتها بس حا تعرف
قيمة كل حاجه
وأن ما فى حاجه مستهله
أننا نقول صعبه أو سهله
كده مكتوبه حانشوفها
وحانعيشها سواء حلوه او مره
ولو مره أعترضت
أعترض بس في اﻵخر
حاترضى
ومين يقدر ما يرضى

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هل أتاك حديث قلبي..قصيدة للشاعر / رشيد حمانى . الجزائر

هل أتاك حديث قلبي {1} يَا حَبِيبي لا تُفَكِّرْ فِي الرَّحِيلْ ياحَبِيبِي كَيفَ تَسْلو اليَومَ …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *