الرئيسية » مسابقة الشعر العامى » لاجل انتظار طعم اللقا . مسابقة الشعر العامى بقلم / بهاء محمد عبده من مصر

لاجل انتظار طعم اللقا . مسابقة الشعر العامى بقلم / بهاء محمد عبده من مصر

قسم / الشعر عامي

لاجل انتظار طعم اللقا

صب الدفا
افرد جناحك يانهار
اصل القمر
خاصم عيون حضن السحاب
رافض مكانه ف السما
لوحه بترسمها السنين
يابحر فين
شط النجوم
تاهت مراكب رحلتك
جفف دموعك يانسيم
بطل تمد جوه الوريد
طعم اللقا
لساك بتروي ف زرعتين
ماتوا بصبرك ع الجراح
قلبك ده شاخ
راكن بعكاز الاهات
اكمنه بات
جوه ساحات الانتظار
اطلق سراح نفسك
عشان تقدر تعيش
قيس البراح قبل الاوان
الضيق يهل
اوعاك تمل
او حتى تسمح بالرجوع
ثبت خُطاك
شُق بإيديك سور الضلام
افتح زنازينك بقى
اطلع وعد
كام حلم فات
لاجل انتظار
طعم اللقا
بطل تأن
صوت الانين
راسم ملامحك شخبطه
الليل بيسرق ضحكتك
ناوي يلتملك نهار
يكسر جدار
النور ف عتمة سكتك
سجل حضور
قبل انتهاء وقت السماح
عافر بقى
فك الحبال
اقطع ف شريان الجراح
لملم ف شريان الحياه
ازرع امل على ارض بور
ترسم ايديك شكل الخضار
كرمش ف احزانك وقوم
ارمي وراك الانتظار

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

7 تعليقات

  1. ابراهيم محمد عبدالعاطي

    اتمنيت اتمنيت اتمنيت حاجات كتير اتمنيت اكون انسان اتمنيت اطلع لفوق ووصل لنجم من نجوم السما في اي مكان لكن كل شيئ مكتوب ومقدر من الرحمان احلم بلاش تعيش انسان ملكش كيان احلم خلي الحياه اجمل من الاوهام كنت صغير انسان بسيط كنت بحلم بكل شيئ حلمت بعقد احمر ولونو بسيط بفتله بيضه صغيره لكن بتدي معني كبير ولما كبرت كبرت احلامي معايا ورغم الظروف ورغم المتاعب قبلتني حققت احلامي رميت الهم ورايا واشتريت الفرح قدامي كون زي الاسد اجعل لحياتك معنا بلاش تكون زي القرود قليله المعنا بلاش تقول انا لوحدي بلاش تقول مليش مكان بصى للشمس لوحدها ومنور الكون في كل مكان

  2. ابراهيم محمد عبدالعاطي

    يا ليل ستار
    مفيش حد فينا بيشوف مين غلبان ومين محتار يا ليل ستار فلاح في وسط الغيطان بيروي في زرعته لبر الامان وسط الغطان والامراض فيه ملياه لاجل اكل العيش ولاجل بلدنا تعيش ولاجل نزرع احلامنا بادينا والصبر يكون هو حمينا بنزرع القطن بادينا ونوديه بادينا لناس ملهاش امان ياالا بينا نحقق الخير في بلادنا ويعيش الخير ويزرعه بعدينا اولادنا في نفس الوقت والادان والاحلم تبقي قدمنا يالا نهب ياشعب اديه منحوته في طين شلنا الخير بادينا وباحلمنا هنخليه استر علينا ياليل ستار واجعل بلدنا متفحش بالاسرار استر علينا ياليل ستار

  3. ابراهيم محمد عبدالعاطي

    واحدمن الناس
    واحد من الناس انا عشت في البلد دي ودقت حلوها ومرها واحد من الناس انا شفت خيرها ومنكرش في يوم خيرها شفت ناس بتزرع فيها وبتعمر وناس تدق علي راسها طبول ودمر والله يامضر ربنا اللي حميكي بدعوت ام طيبه وطفله صغيرا ومن ربنا قريبه وشيخ بيدعي للخير والتماسك وضحكه صافيه من قلب مفهوش كره للخير ولا للتماسك هنعمر بلدنا بادينا ومش هنسمح لحد يخش وسطينا ياللي مبتغرش علي البلد دي وعلي عرضهامين هيصونها غيرنا ويحافظ علي ارضها يانجوم السما هللي ويافرحت المصرين اكملي بشعب واراده وجيش هنكمل المشوار ويا علم رفرف في العالي ونادي باعلي صوت المصرين احرار

  4. ربنا يوفقك يا بهاء واتمني ان تحصل علي المركز الاول ان شاء الله

  5. ربنا يوفقك ياشعراً ومن تفوق ال أخر وربنا يوفقك وتحصل علي المركز الاول

  6. اتمني ليك التوفيق والحصول علي المركز الاول

  7. ربنا معاك يا شعراً ياكبير وان شاء الله تحصل علي المركز الاول

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *