الرئيسية » الشعر والأدب » لا وحياتك..قصيدة للشاعرة / صفاء عبد ربه

لا وحياتك..قصيدة للشاعرة / صفاء عبد ربه

صفاء عبد ربه
**********
إوعي تفكر لوجودك لازمه
وإن بعادك دخلني في أزمه
لا وحياتك
عيش إنت حياتك
طمن نفسك
وواجه ذاتك
راح تلاقيني سعيده في بعادك
لأجل خلاص نكدك وعنادك
كنت صحيح باأتمني أسامحك
لما ألاقي خضوع بملامحك
لكن إنتَ كنت سعيد
بعذابي أنا بلتحديد
شوفت الغدر جوه عينيك
وكانت القسوه باينه عليك
كنت فاكرني هاموت بعديك
وإن هاجيلك أبوس في إيديك
لا وحياتك
أنا حبي شهيد
ياما سامحتك وإنتَ تزيد
حاولت معاك وإترجيت
قلت أهي أزمه وبكره تعدي
وعشانه لازم تتحدي
قالو دا غادر
ووقف الخلق كله ضدي
دعيت ربي وإتمنيت
عملوا كثير لمحاولة صدي
قلت بحبك وماليش غيرك
ياريت تسمعني
وتصدقني
ويصحيَّ ضميرك
في العمر لو مره ياريت
حاولت معاك
أبقي هواك
أكسب قلبك ورضاك
ومع الأيام خسرت تحدي
قلت أنا عايش حب جديد
دعيت لك ربي وإتمنيت
إنك تبعد عني بعيد
وأنسي هواك بدون تعقيد
قلت إنسيني
وإوعي تجيني
ولا تحاولي تصحي حنيني
قلت ومالوا
مانتش في أماله
دنيا جديده وجياله
ريحي باله
إنتِ ما كنتِ يوم في خياله
عيشي لبكره
وإوعي يكون له في قلبك ذكري
أصل دا نكره
وإن جالك يوم إوعي تحني له
إرفعي راسك وقوليله
يوم ورا يوم أنا هانساك
هاعيش سعيده وأنا مُش وياك
وأتحداك
أتحداك إن أفتكرك تاني
في العمر الباقي لو لساعات
أنا هانساك
أنا هنساك

صفاء عبد ربه

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

“نجوم المجتمع” و”المشاهير” فى عيد ميلاد “دينا الشايب”

  احتفلت سيدة المجتمع ” دينا الشايب” رئيس نادى روتارى كايرو هايتس بعيد ميلادها وذلك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *