ط
مسابقة الشعر العامى

لسه خام ..مسابقةشعر العامية بقلم / أحمدربيع النخيلى من مصر

خاص بالمسابقة
شعر عامى ..
الاسم -أحمد ربيع سليمان النخيلى
الشهير بحماده النخيلى – مصر
قصيدة بعنوان (( لسه خام ))

(( لسه خام ))
لسه قاعد زى ما انت

لسه قاعد برضُه خام

لسه لابس توب جدودك

من سنين شوف مروا كام

البيوت صبحت عماير

بعد ما كانت ركام

والرجال ركبوا العرابى

وقلعوا م الجحش اللجام

والبنات لبست مناطل

وشدوا بالوسط الحزام

والحريم لبسوا العباية

اللى بتورى القوام

والشباب صبحت خنافس

سيس فى عالمهم تمام

والضماير فى السراير

فى اجازة وانعدام

والقرايب والحبايب

والوداد بينهم خصام

كل شىء غيّـر جُلُودُه

وانت برضه مهما يحصل

زى مانت لسه خام
……………………..
‫#‏لسه‬ ‫#‏خام‬
حماده النخيلى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى