الشعر والأدب

لسه فاكرة .قصيدة للشاعر / محمد البدراوى


لسه فاكره تكلميني

كنتي فين من زمان

إبعدي عني وسبيني

ما خلاص فات الأوان

واللي كان بينك وبيني

جوه قلبي ملوش مكان

 

واللي كنتي بتعشقيه

عاش في دنيا حبيبته فيها

قصدي اللي كنتي بتوهميه

دلوقتى قلبه وروحه فيها

 

جايه ليه

جايه تشكي الهم ليه

جايه تاني بعد إيه

إنتي ناسيه عملتي إيه

ولا ناسيه اللي انتي فيه

 

بصي لنفسك في المراية

إسأليها هربتي ليه

إسأليها إي الحكاية

وليه ظلمتي حبيبي ليه

ليه حياتك م البداية

عشتيها ف كذبة عليه

 

ردي قولي جايه ليه

 

جواكي غرور وعناد

وحقد عمال في ازدياد

الحب عندك بالمزاد

والطمع من غير ميعاد

لو جاية تاني للسداد

أقفي يلا يومين حداد

قلبي مات مش حتنوليه

 

ردي قولي جايه ليه

 

كنت فاكر حبي ليكي

يقدر يغير كله فيكي

يقدر يكون قدام عنيكي

حب غالي ملوش تمن

كنت فاكره يعيش لبكرا

ونعيش معاه أحلى ذكرى

كنت بستناله فكره

تسعد حياتنا طول الزمن

 

بس الحقيقة كان خيال

كان وهم كان وكذب ذال

ومفيش مجال للسؤال

انقطعت كل الحبال

واتغيرت وصدق اللي قال

تغيير الحال من المحال

واللي يدور يا ناس ع المال

يخسر قلبه باللي فيه

 

ردي قولي جايه ليه

 

روحي لحالك يلا تاني

إنسي إسمي وانسي مكاني

إنسي شكلي وروحي يلا

قلبي وحياتي لحد تاني

 

حد فكر بس فيا

حد ضحى كتير عشاني

لما شفته قدام عينيه

قلبي راح وياه ما جاني

حد حاله زي حالي

الله وحده ليه هداني

يعني م الآخر ده عمري

وكل شيء جوايا ليه

ردي قولي جايه ليه

جايه ليه

 

الشاعر محمدالبدراوى

تعليقات

تعليقات

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق