الرئيسية » مسابقة الشعر العامى » لسه فاكرك .مسابقة الشعر العامى بقلم / نورهان السيد نور الدين من مصر

لسه فاكرك .مسابقة الشعر العامى بقلم / نورهان السيد نور الدين من مصر

Spread the love

( لسا فكرك )
لسا فكرك يا حبيبى
هو معقول أنا أنساك
وكل تفصيل حياتنا
روحت ليه وخدها معاك
كنت قاعد ويا روحى
خطر فى بالى الذكريات
أحلى أيام عمرنا
فى شريط برجع اللى فات
فين كلامنا وفين سلامنا
وفين غنانا فى نص الليل
فين وعودنا وفين خروجنا
وفين مشيتنا فى طريق طويل
فين رجوعنا على البيت وأحنا
من التعب روحنا نايمين
لسا فكر أيوه فاكر
كل لحظه معاك زمان
بس ما أتخيلت أنك
تبقى ذكره مع الأيام
فين سعادتنا لما نلقى
بعض بلهفه وفرحنين
ننسى كل همومنا فجأه
نلاقى روحنا مرتاحين
بس ما أتصورت مره
أنك تكون جرح السنين
فاكر أخر أيام عمرك
كنت معايا قاعد حزين
مكنتش فهمك غير عويدك
كنت شايل هم كبير
يارتنى حبيبى عرفت أساعدك
كنت شلت عنك كتير
أنتهى حديثى معاك خلاص
بس قلبى مليان كلام
مش هقولك الوداع
من يوم ما غبت وأنا فى ضياع
هتفضل عايش يا حبيبى
مهما مر من الزمان
من كلمات : نورهان السيد نور الدين
من مصر
الشعر العامى

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

رسالة من الغربة,مسابقة الشعر العامى,بقلم/صابر فرج ياسين على .مصر

Spread the love مسابقة الشعر العامي الأسم صابر فرج ياسين على ( جمهورية مصر العربية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *