الرئيسية » مسابقة الشعر العامى » لمي منديلك ياأمي. مسابقة الشعر العامى بقلم / بدر فتحى شعبان . مصر

لمي منديلك ياأمي. مسابقة الشعر العامى بقلم / بدر فتحى شعبان . مصر


قصيدة لمي منديلك ياأمي

بقلمي /بدرفتحي شعبان

من مصر
شعر عامي

لمي منديلك ياأمي

لمي منديلك ياأمي وأدعي ليه

أبنك مامتش علشان تودعيه

أبنك حي وبيرزق

بكره في الجنه تلاقيه

ساكن في أعلاها جنب نبيه

لمي منديلك يا أمي وأدعي ليه

الشهيد مش شهيدك لوحدك

الشهيد يخصنا

أفتخري يا بلدي وخدي راحتك

أحنا فداكي كلنا

أنا عندي حق لما صارحتك

إنك هنا

جوه قلبي

قاعده جنبي

واللي بيحسك بيحسنا

هيفضل عالي حسك

ويا حسنا

واللي يفكر يمسك

مالهش مكان وسطنا

هما معاهم دين ابوهم

واحنا معانا ربنا

لمي منديلك يا أمي احنا هنا

نموت نموت بس تحرر أرضنا

أفتخري وبكل شده

ياكل حته في جسمنا

أحنا اللي ضيوف عندك

مش أنتي اللي ضيفه عندنا

أحنا فداكي يابلدي

ونسقيكي بدمنا

لمي منديلك ياأمي

احنا هنعرف أزاي نرجع حقنا

كلنا أيد واحده وأبن مصر هو ابن قنا

واللي هناك قلبه معانا هنا

ميهمناش ازاي نموت

اكتر مابلدنا تهمنا

وفخر ليا إني أموت

بس تعيش مصرنا

لمي منديلك ياأمي

وأمسحي دموع العنين

لما أنتي تبكي ياغاليه

أمال احنا روحنا فين

وأحنا بندفع حياتنا غير لمين

وحلفنا بأيمانتنا مليون يمين

وبنقدم حياتنا طول السنين

غير علشانك ياأم الطيبين

لمي منديلك وقوليلهم

لو أبني راح لسه فيه غيره ملايين

أوعي تبكي ياغاليه

وأحنا لسه موجودين

مصر عاوزاكي رصاصه

تدب في قلب الخوانين

عاوزاكي تكون قويه مش ضعيفه

عايزه تشوف الجامع بيحضن في الكنيسه

والاذان ويا الجرس

والفتان يتخرس

لما يشوف الاتحاد

وأتحادنا قوه

في كل البلاد

والوطن هوه هوه

وبنعشق العناد

لمي منديلك ياأمي

مصر مش عايزه لرجوعنا

مصر عيزانا نكمل

وبأيدها تمسح دموعنا

لمي منديلك ياأمي

وأمي بقك بالدعاء

مصر مش حاجه تافهه

مصر يعني أنتباه

مصر أرض طاهره

عاشوا فيها الأنبياء

مش أحنا بس اللي حمينها

مصر حاميها الاله……….

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

أنا السلطان . مسابقة الشعر العامى بقلم / إسلام سيد احمد . مصر

الاسم /اسلام سيد احمد اللقب / اسلام الديب السن /28 سنة البلد / مصر فئة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *