الرئيسية » الشعر والأدب » لم يصبه الدور .شعر عامى ساخر لراسم محمد

لم يصبه الدور .شعر عامى ساخر لراسم محمد

12651126_1679199622369715_4311288229926935274_n
شعر عامى ساخر
معالجة درامية بصيغة شعرية
للشاعر \راسم محمد
لم يصبه الدور
=========
خلونى ابوح ليكوا وافضفض
واكشف ليكم بعض المستور
ومن غيظى بكلامى اعبر
وابكى القلم فوق السطور
احس خلاص دمى بيغلى
و قرب منى يا حبايبى يفور
هاحكى وابوح واقول على سر
قبل ما اموت يا ناس مقهور
بس تردوا وقولوا ورايا
سرك دا ياراسم اعتبره
امر حطير ورميته ف بير
مش راح اطول قولم طول
وصلوا معايا على كامل النور
ما انا اصلى تعبت ومتحير
وعقلى كمان غاب م التفكير
ومن كتر ما ضاع من عمرى كتير
وانا واقف اعانى يطوابير
قولت اشكيلكوا بصفو شعور
يمكن الاقى فيه بينكوا كبير
مسئول يعنى او حتى وزير
يدرس ويحلل مشكلتى
اصل طابورى مبقاش بالدور
والدنيا مصالح ومناقع
والى ملوش بالدنيا دى ظهر
يروح يشترى ليه يا عم كبير
والى بيفهم يبقى مفتح
واد ومخربش حلو وقمور
لا هيغلب يوم ولا هيزاحم
ولا حتى راح يحجز دور
عايز تنجز شخشخ جيبك
اياك تستغبى ارفع وانجز
واعلا يا عمى بالكام حنطور
تخلص وترووح على بيتكم
منتاش متنعكش ومظرظر
ومهندم كدا مرتاح مسرور
اما الى يا عين واقف بطابور
مستنى يمكن قبل الظهر
يلحق ودا شىء محتاج تفكير
فسامحنى ان لحظة لاقتنى باثور
واغضب انا واطلب تعير
اقرا هتعرف انى يا عامى
مغلوب على امرى ومعذور
ما انا ان مكتبتش ليكوا ساخر
علشان اعدل حالى المايل
ما اصلحش يقولوا بيوم عنى
شاعر مصرى واديب مشهور
فقير مال يمكن جايز
لكن غنى انا وباشعارى
صادق مخلص للكلمة امير
من صغرى وانا فكرى كبير
باحلم وتملى بحلمى باطير
اتمنى اكون انا بيوم بحار
او حتى مهندس او دكتور
طب ليه ما احلمش اكون طيار
وارجع انا افوق من وهمى لانى فقير
واصحى من حلمى على كابوس
بعد ما كنت انا الى يا صاحبى
متعشم ومتفائل خير
الاقينى صحيت من اوهامى
بتزاحم وف وسط طابور
فى الفرن طابور
فى الصحة طابور
تموين بطابور
ومرور بطابور
وبنوك بطابور
حتى اما اروح ادفع فواتير
ان كانت مايه او غاز او نور
لازم ولابد يكون ليك دور
الا بتعيينى يا اخوانا
ما لقيت انا والله يا خلق لى دور
بقلم
=== الشاعر \راسم محمد

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات الثكلى والحرائر  تفتح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *