الرئيسية » الشعر والأدب » ليلى ..قصيدة للشاعر / أيمن صبرى زنون

ليلى ..قصيدة للشاعر / أيمن صبرى زنون

admin-ajax

( ليـــــــلي )
………………………………..
جوايا شــــىء محيرنـــى
يحرك كل شــــىء ثابــت
يصــــحِّى الليل المتهافت
وجيـــش جحفل بيغلبـنى
…………….
جوَّايـــــــا شيء بيسألـــــنى بيقول ليه أنا شــاكي
وليه البحر بيغنـــــى ومن دمــعى أنا باكــــــــي !
وليه يا ( ليلى ) كتير تبكي وكتمه الفرح جواكي
…………………
جــــــوايـا حيــــرة مقــــــــلوبه
وصوت مَبْـــحُوح على ( ليلى )
هنـــــــاك ع الجــــذع مصــلوبه
جـــوايا خيــــط شـــــعاع عاجز
وتوهه وبســـــمه مكـــــــــلومه
أيا ( ليلى ) فى يـــــوم عيـــدك
عيــــــون باكـــــيه ومغصـــوبه
يا صبرا و ا نتـى مصــــــــلوبه
ياغالـــبـه ومــــــرَّه مغــــلـوبه
معرفشى إن كنتى عود أخـضر
واللا انتى نبـته معــــــــــطوبه
….
زمانُ الفرحِ قد ولَّى … وعينُ العدلِ معصوبهْ
…..
سؤال جــوايا حيَّرنــى
أنا ليه جوَّايا مُســــتاء
وليل العتمة بيتمــــدد
ولصوت الدمع مُشتاق
كتير جوَّايا بيقـولى الحــــــلم راح ومُـش راجـــــــــع
لكن أرجع وعاتبنى وأقول للـــحزن مُـش دامـــــــــع
قوليلى يا (ليلى) أيه ذنبى وليــــــه الحلم مُــش سامع
دا كان الفـــجر قام يطلع وكان الحق طيـــــف فـارع
والعدل كـــان يادوب نبته وضى نور هنـــــاك لامـع
وصوت جرس يقول إنجيل وصوت أذان فى الجامع
ســــــــــــــــــــــــؤال جـــــــــــوَّايا حـــيرنـــــــــــى
أنا ليه يا ( ليـــــــــــــــــلى ) مُــــش ســــــــــــامــع
وليه كل ما أقـــول قرَّبـت ألاقى الشَّــــــــط يتباعـــد
وليه بُكـره كتــــــير عاصى وليه ع الجـرح نتواعـد
……………………………………………………..
شعر / أيمن صبري زنون … صنصفط .. مصر .

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هكذا وصف آل خليفة « بغداد» وتغنى بها

      البحرين (المنامة) : ابو خليفة الصباحي منذ سنين طويلة تغنى الشاعر الكبير …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *