الرئيسية » الشعر والأدب »  ليه دلوقتي .. قصيدة للشاعر / محمد البدراوي

 ليه دلوقتي .. قصيدة للشاعر / محمد البدراوي

ليه دلوقتي بتصارحيني

إنك كنتي بتحبيني

وإنك قلبي وروحي وعيني

وإنك كنتي بتستنيني

متخليكي زي ما كنتي

عايشه ف حبك

كاتمه ف قلبك

ودموعي شيفاها ف عيني

 

ليه دلوقتي بتصارحيني

 

بعد ما قلبك داس على قلبي

بعد حياتي ما ضاعت ليكي

مش هديكي أبداً حبي

ولا يوم تاني هفكر فيكي

 

ولا يوم تاني هفكر فيكي

 

عذبتيني ….. وجرحتيني

وجايه تقولي بتحبيني

لا يا حبيبتي

لا ياحبيبتي قلوبنا خلاص

ضاعت ببلاش ومفيش إخلاص

واللي راح من عمري راح

مره تانيه مش هيجيني

 

ليه دلوقتي بتصارحيني

 

مش هستنى منك تاني

نظرة عين ولو لثواني

تفتكريها تهز حناني

وترجع ليكي وجداني

 

ولا هستنى مجيك ليا

بالحزن اللي هيملى عنيه

والروح اللي كانت ليكي

صعب تلاقي فيها حنيه

 

صعب تلاقي فيها حنيه

 

إنتي خلاص شفتي نصيبك

وأنا مبقتش ياحلوه حبيبك

أجمل حاجه في الدنيا مراتي

سكنت قلبي وكل ما فيا

شالت همي وحست بيا

بدعي أنا ربي ف كل صلاتي

تفضل روحي وكل سنيني

 

ليه دلوقتي بتصارحيني

إبعدي عني روحي سبيني

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

محلاك يانور النبى . قصيدة للشاعر / سامى فرغلى ( قربان المصرى)

محلاك يا نور النبي يا للي نورك نور حياتي وحبي ليك كان أختيار والهوى بيني …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *