ط
الشعر والأدب

مصر لازم نعلى بيها. بقلم الشاعر / معوض حلمى


: مصر لازم نعلى بيها ::

……………………………..
مصر لازم
نعلى بيها
وتعلى بينا ..
مصر دي
أجمل سفينه ..
وقت الشدايد
والمحن
بتعدي بينا ..
لو خطر
واقف ببابها
يعلى صوتها
وتنادينا ..
مصر دي
هيه الحبيبه
إللي بحنانها
عايشة فينا ..
واحنا كمان
عايشين
ف خيرها ..
وضل نيلها
ووقت ضيقها
بتلاقينا ..

مش زي
ناس
مابتختشيش ..
لو عليهم
يوم تنادي
النخوة فيهم
ماتلاقيش ..
دول أفيش ..
ونتف ريش ..
وناس عويله
ماتستحيش ..

الغدر فيهم
شيئ مباح ..
وعشان
ماكترت الجراح ..
لساك فاكرها
سداح مداح ..
إفتح
كتاب التاريخ
باب الكرامه
والكفاح ..
على مر
الزمن أحرار ..
هزمنا
ل ستعمار ..
فرس
مغول
وتتار ..
عدينا
ميت محنه ..
ولا مره
قولنا الآه
ولاحد خوفنا ..
وسر قوتنا
جيشنا ووحدتنا ..

وعشان
ماكترت الجراح ..
لساك فاكرها
سداح مداح ..
دا الفجر لاح ..
والورد
ف إيدين
الصبايا
عطره فاح ..
ومصر دي
ست الملاح ..

الطيبه ساكنه
قلبها ..
والسماح
من طبعها ..
جرب
تبوس خدها ..
وتنام على
صدرها ..
هتقسى
وتسامحك ..
وتغفر سنين
جهلك ..
هتفتح بيبان
قلبها
وف حضنها
تضمك ..
هتفتح .. بيبان قلبها ..
وف حضنها تضمك
…………………………………….
معوض حلمي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى