الرئيسية » مسابقة الشعر العامى » مالناش إيد ..مسابقة شعر العامية بقلم / مجدى سالم من مصر

مالناش إيد ..مسابقة شعر العامية بقلم / مجدى سالم من مصر

شعر العامية
مجدي سالم
المنصورة – مصر 501065705780
************************

ملناش ايد
******
ملناش في غروب الشمس ايد
ولا حتى في شروقها
ودقت خطوتنا مع كل هبة ريح بتتعبنا
وبترسم لينا ضحكه باهته وحزينه
وفي ليل فجره بيطول
بلقى القمر تايه ومخنوق
جوايا
أعاصير ألم بتمزق حِشايا
ياه
فجر الغروب والشروق بقوا واحد
وانا م العصاري بلم خلقاني واستخبه
جوايا
جراح وأنين
وشمس غروبها محاوطني .. بيقتلني
بقتل فيَّا الشروق
ضاقت بأحزاني الفضا
وبكت النجوم
وأنا مش ملوم
الشمس غابت بين الغيوم
والجو لونه أتغير
وبقيت مش شايف
نفسي أمسك بايديا الحقايق
واكتب تاريخ عدى عليه الزمان
لما ابليس نزل المدينه
ودق بخطوه على البيبان
يطفي في كل بيت شمعه
ويقيد نار تحت كل تكعيبه
مديت ايدي
وشمرت عن دراعاتي
وفضلت مستني
الفجر خاني
نايم في حضن ليله سوده
فجرها بيهرب مني !

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

4 تعليقات

  1. جميله جدا .. ومعبرة
    من تفوق لتفوق دائما

  2. سلمت يمناك يا استاذنا
    و من ابداع لابداع ان شاء الله ??

  3. رائعه تسلم الانامل

    رائعه من روائع الشاعر الرقيق الاستاذ مجدى سالم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *