الرئيسية » الشعر والأدب » مانيش جرافتة لسيادتك..قصيدة ولا أروع للرائعة/ نادو فتيحة

مانيش جرافتة لسيادتك..قصيدة ولا أروع للرائعة/ نادو فتيحة

نادو فتيحه
مانيش جرافتة لسيادتك

حتلبسنى و تضايق
و بعد شوية .. تقلعنى 
.
منيش دبوس دهب للبدلة 
تشبوكنى و تتعايق 
تروح مشوار و تخلعنى 
.
أنا منك .. 
مينفعشى لا تستغنى 
و لا تقسى و لا تنسى 
و لا منك تضيعنى 
.
انا حبات عرق جسمك 
بريحة الفل
جَمال شِعرك ياسيد الكل
و هالة نور بتتحرك معاك 
و معاك بتجمعنى
.
و مهما تاخدنى آلامى 
و تيجى عليا .. أيامى 
و بالأحزان تقطعنى 
.
لو اسمع إن فيه شـَكة
حتوجع صوبعك النونو
عليك أجرى 
فداك عمرى
و ألمك جوة نينى العين
يشكشكنى و يوجعنى

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

هكذا وصف آل خليفة « بغداد» وتغنى بها

      البحرين (المنامة) : ابو خليفة الصباحي منذ سنين طويلة تغنى الشاعر الكبير …

تعليق واحد

  1. كرم أبواليزيد

    مساءالابداع الملهم .. انا كنت كاتب القصيدة دى رد على قصيدتك الرائعة يا دكتور مع الفارق طبعاً بين كلماتى الباهته و حروفك المضيئة

    لا جرافته ولا دبوس ولا بدله
    بترسمنى و أكون لايق
    دى لمسة إيدك الحلوين على البدلة
    كفاية إنى أكون عايق
    ولا عنك أنا أستغنى
    حبيبى كفاية تضايق
    ده أنا عاشق هايم فيكى
    و أنا نايم و أنا فايق
    و بتعجب أوى فى حيرتك
    يا إللى عينيكى ملكانى
    ده أنا لو غيبتى يوم عنى
    أحس الدنيا ظلمانى
    و بتحول فى لحظة لوحش
    يكسر كل أركانى
    و برسم فى الهوا صورتك
    تضم الصورة أحضانى
    و بس أسمع صدى صوتك
    ألاقى الحزن ينسانى
    و حتى لو كلامك وهم
    حبيبتى برضه أنا الغلطان
    ده انا على نفسى أجيب اللوم
    ولا ليلة تبات زعلان
    يا ريحة الفل فى عروقى
    أنا بحبك بكون إنسان
    و لو ممكن تسامحينى
    هـ أضم الدنيا بالأحضان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *