ط
مسابقة الشعر العامى

مانيش عايز . مسابقة الشعر العامى بقلم / هشام رزق محمد من مصر


هشام رزق محمد
جمهورية مصر العربية
موبايل / 01550997535
شعر عامي
قصيدة بعنوان / مانيش عايز
…………………..
مانيش عايز يا دنيا خلاص صراعي فيكي بكاني
واول دوسة فوق أرضك طلعلي فيها ميت جاني
ولما حاولت اتعنتر واعيش يومي واتشطر طلعلي حيل
عوج جسدي وسابني ذليل
حني نفسي
وذاد اطياني من كسري
واديكي يا دنيا شغاله
علي جراحي كخياله
تدوسي فوق بقايا الحظ
كنمر جريح بيتلوي في طلب النصر
واه يادنيا دواره يا سارقه كل يوم حلمي
وشكه القلب والنني
يا دنيا مين يضاهيكي وفي اديكي مراسي القوة تتكفي
وفوق أرضك قلاع وحصون علي بابك بتتخفي
ومين يقدر علي جراحك علي نواحك
أسيب ليلك الاقي ونتي بتسئل
أقول فينك أخاف للدمعه تتخصر
أحنن فيكي لتهدي
تزيدي فوق عذابي سنين وباديكي تحطي الطين
وليه يا دنيا بتخمي
تضميني وفي نفس الثانية بتغلي
ولما تخدني اسفاري
واروح لبلاد ماجيش تاني
تجيني ترصدي ضعفي
وعلي وشي يكون الكف متعفي
تهينيني اعيد القاره واتخفي واروح لبلاد بتتصيد غذاء الروح
واول ما اشتهي الافراح تجيني بدون ما تتانا
ما أنا الموصوف لهواها كما الجنه
يا دنيا ليه أنا بالذات
وايه عندي وفي اديه ماهوش في الذات
حياتي وانتي خونتيها
واجرتي وحوش وسباع في ضواحيها
وفي الأخر ضحكتي ضحكه صفرايه
كاني جسر ممدودلك كسلايه
كورقه توت بشجرايه
ترمي الطوبه تنزلك علي خدودها يحلي الدم بسمايه
يا دنيا والله ماهو فارق
تزيدي فوق كتافي الويل
وباديكي تحاصريني بهم ودين
وايه باقي في احلامك بجد تكفي احزانك
مانيش قادر علي صدك وهجرانك
سبيني انتهي بشويش
سبيني انتهي بشويش .

أعجبنيردساعة واحدة

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى