الرئيسية » مسابقة الشعر العامى » مجنون اللى يحب بيجامة .مسابقة العامية بقلم / عادل نافع من مصر

مجنون اللى يحب بيجامة .مسابقة العامية بقلم / عادل نافع من مصر

مسابقة مهرجان همسة ٢٠١٦
مجنون اللي يحب بيجامه
شعر بالعاميه
كلمات / عادل نافع
الاسم بالكامل / عادل محمد محمود نافع
مصر – محافظة السويس
موبايل / 01113234619
………………………….
تتمنى تشوفها تقوم تبعد
وتفك زراير تأثيرك
فتلاقى ضميرك عريان
وأما بتحضنها تقوم تعند
تبدر أشواكها على سريرك
فتكمل ليلتك بردان
مجنون اللي يحب بيجامه
أوقات تتمشى على الكورنيش
فتلاقي شباب بيلفوا حشيش
فتقوم مسطول قوي ع الريحه
فقوام تتمنى تكون مسمار
يتدق بقوه بإييد نجار
قوم يعمل منك تسريحه
أهو أحسن ما تكون جزامه
مجنون اللى يحب بيجامه
فيه قلوب بتعوم على شط عذاب
وقلوب تغطس فى غرام كداب
وأهو كله فى الأخر مبلول
وقلوب شمسها فى الحب تغيب
بدأت حكايتها بحلبه حليب
ختمتها بتعليق محلول
فنقول لها 100 ألف سلامه
مجنون اللى يحب بيجامه
فيه ناس بتحب 3 أيام
ناس تانية تقضى الحب كلام
ويقولو اللى يحب خفيف
وفيه ناس بتعيش حبها تناتيش
وتخلص قعدتها ببقشيش
وتكمل يومها على نضيف
وأكيد مش حاسين بندامه
مجنون اللى يحب بيجامه
أنا قلت زمان جمله ومش قادر أنساها
لو يوم إنسان أتمنى سعادته هيلقاها
لكن إحنا بنتمنى المجهول
وهقول اليوم جمله قوام خطرت على بالى
لا تعيش مهموم لو حتى مزاجك مش عالي
واضحك واتفائل على طول
ما تقولشى بحب الدوامة أنا أصلي بحب الدوامة
والله بحب الدوامة الدواااااااااااااااااااااااااااامه

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *