مسابقة الشعر العامى

محبتها .مسابقة الشعر العامى بقلم / أحمد مطاوع من مصر

الاسم : احمدمطاوع
السن : 22سنه
موبايل:01155717373
محافظة:القاهره
القسم : شعر العاميه
القصيده : محبتهاش

وسنه عدت علي فراقنا
محستهاش
وقولت هموت
لكني بقيت واحد تاني
وشاب كيوت
عيوني اتبدلت الوان
ونوار وشي كالبستان
صبح مبسوط
شفوني صحابها بستغراب
قالولي اكيد محبتهاش
قالولها اني مش بسرح
مفيش تأثير
واني رجعت للمسرح
بدون تغيير
ولا ببكي علي بعدنا
بمثل دور جنوني بيها
و اني يعني بتسلي
عايش عادي ومقضيها
لكن حقيقة الموضوع
ضميري ارتاح
3اشهور ياقلبي عذاب
اثر الجرح يكويني
يخليني
الف في البلاد سواح
ف وقت حراره السالب
ف صبح القلب متجمد
ف شكل عباره عن قالب
اخيرا فوقت م الصدمه
كأنها وقعه ف صابتني
بصرخه وجرح مع كدمه
ومرة ليله ف التانيه
وقولت اهو يمكن ارتبطط
ف اخر رنه رنتها
بقولها الو ف ارتبكت
وقفلت يعني نسيتني
مصدقتش دا معقوله
تكون ديا اللي حبتني
وحبتها
وتشهد حتي دبلتها
علي وعودنا
علي خناقنا
علي اسم ابننا اللي مجاش
علي الوان حيطان بيتنا
علي ذعيقنا و اي نقاش
ف سابت كل دا ومشيت
بدون اسباب
وعملت قلبها ساحة
ملاهي شباب
ف يعني عادي ميهمش
و عدوها
بلاش تستكتروا الضحكه
و اكون مبسوط
لان الضحك كان قبله
صريخ بالصوت

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق