ط
مسابقة الشعر العامى

مكملش الحلم .مسابقة الشعر العامى بقلم / سيدعبدالغني عبدالصمد حنفي 

خاص بالمسابقة
سيدعبدالغني عبدالصمد حنفي
محمول/٠١٢٢٧٧٤٨٤٧٤
٠١٠٠٠٦٣٦٠٠٧
واتساب/٠١٢٢٧٧٤٨٤٧٤
شعر عامي
مكملش الحلم
=========

علمونا زمان إنها لماتضيق
لازم تضيق أكتر
عشان لما تفرج توسع أكتر
وأكتر
ماهو أصل الضيق الواحد
لابد ما يكون معاه
فرجين
الله أكبر وأكبر
وح يفرجها عليكم وعليا
شكلي كده عندي ازدواجية
يعني إنفصام ف الشخصية
مش إستكانة
أوإنهزامية
كل الحكاية إني مش لاقي
إستقلالية
فقلت أهاجر وأسيب البلد
وبرضه مش أنانية
المشكلة إني بأحبها
وماأقدرش أستغنى عنها
الدماغ فجأة
هج منه الكلام وتاه
مشي هايم ف الشوارع
لايعرف النهاردة إيه
ولابكره كام
لقيتني فاضي
حلمت أعمل فيها قاضي
زي المثل
ولأن مفيش كلام
فالحلم ماكملش
رجعت تاني أدور ع الكلام
لحد مالاقيته ف حارة الشعرا
بس كان غريب
وحيد وقاعد منزوي
وشكله كئيب
سألت ليه الكلام
بقى من غير لون ولا ريحة ولاطعم
وباين عليه الغم
شايل هموم جبال
وبرضه مش عاوز يتلم
رجعت لنفسي
لقيتني حد تاني
قلت أجاري الحكاية
لحد ما ألقاني
شوية ورجعتلي نفسي
كانت مدارية
جوه حسي
وهنا بقت المشكلة
ح أبقي نفسي
ولا حد تاني
وفضلت ع الحال ده
وبإستمرارية
لقيتني مرة أكون
ومرات كتير ماأكونشي
إحلوت اللعبة وكل ما أقول أمشي
ماأقدرشي
أتاريني كنت نايم
ولسه ماصحيتشي
بقلمي@سيدعبدالغني عبدالصمد
جمهوريةمصرالعربية
==============


…..

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى