الاسم :منى فهمي
البلد : جمهورية مصر العربية
محافظة : الجيزة
لينك صفحتي : https://www.facebook.com/profile.php?id=100057364038138
الفئة : عامية
المشاركة ب عنوان: “امانه”
علمتنى الكلمه امانه
وكنت اول من يخونها
عرفت معاك معنى الإهانة
نفسيتى كلامك حطمها
طب كنت ليه من الاول
فسرت لى معنى الكلام
ما كنت سيبنى على عمايا
ولا كان مابينا قيل وقال
دلوقتى ايوه
رجوعك صعب
لا ده درب من المحال
حرام عليك ترسم لى جنة
وانت ف الأساس دجال
قريت عليا تعويذتك
تمتمت ليه ب كلام خيال
عيشتنى ف وهم وسراب
خلتنى تايهه بدون اسباب
ياريتنى ماكنت فتحت الباب
ولا كنت يوم راح ابقي ليك
وأعيش ف ويل هم وعذاب
كسرت لى فى شراع سفينتى
قفلت ليا ابواب مدينتي
خلتنى ليك بدون أحباب
هجرونى
كل اللى كانوا ليا
بعدت أهلى والصحاب
حرام عليك
انا كنت نعمه
وانت داريتها ب التراب
منى_فهمي
