ط
الشعر والأدب

هافضل معاك ..قصيدة للشاعر / كرم شحات

………. هافضل معاك ………..

هافضل معاك حبى الأكيد
ديماً معاك
مهما الضغوط أكتر تزيد
هافضل معاك
يا مغيب اللهفة بلقاك
العمر لو يرحل فداك
……………………………………. هافضل معاك

هافضل معاك ديماً أكيد
واللحظة جمبك عندى عيد
ترحل شموس وتعود شموس
أتهنى أطمع ف المزيد
أه يافرح قلبى اللى إلتقاك
……………………………………. هافضل معاك

هافضل معاك يابريق ونور
وصلتنى لأعظم شعور
جمْلت ف عنيا الحياة
وعرفت إيه معنى السرور
يا أرق أكتر م الملاك
……………………………………. هافضل معاك

هافضل معاك قمرى الحنون
لو إيه يصير أو فين تكون
دنا حبى ليك وإسئل عنيك
ياحبيب مداه عدى الجنون
وخلاص مليش ف الكون سواك
……………………………………. هافضل معاك

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى