ط
مسابقة الشعر العامى

مدام رشا . مسابقة الشعر العامى بقلم / عبد المنعم الحريرى من مصر

السلام عليكم …لمسابقة شعر العامية
عبدالمنعم الحريرى ..المحلة الكبرى
………………………………..…………………………………………….
…..مدام ..( رشا )
………………………..
الحجر الداير حواليها
والخوف الساكن فى عنيها
وكلام الناس رايحين جايين
فى الشارع يتغامزوا عليها
من يوم ما شافوها بتتبسم
وبتلبس عبايات ألوان
……………………..
تجاعيد الحزن مابتخبيش
الورد النايم فى خدودها
ودموع الوحدة مابطفيش
فرع اللبلاب اللى ف عودها
وازاز الصوره أما اتشرخ
رجعت تتنفس زى زمان
……………………..
كرسى التسريحة المتعفر
وصباع الروج البهتان

فى الليل ووعوده الكدابه
أحلامه ما ترويش العطشان
ولا ضل الحيطه هيتساوى
مع ضل الراجل فى الأحضان
عايشه وبتعافر فى الأيام
مش قادرة تطفى النور وتنام
والنور فى سنين البرد
ضعيف….مرعوش
كل الأشياء فى الضلمه
بتتحول ل وحوش
وهتهرب فين ؟؟
اذا كانت كل عيون الناس
زنازين ؟؟
شايفنها فى قلب التوهه
وقالوا ( نصيب )
سايبنها تقضى المده
فى سجن ( العيب )
ومحدش فكر مرة
يمد أديه
الكل بيقفل بابه عليه
مستنى يخش لنفس الدايره
وساعتها يفكر يعمل إيه …
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رقم الهاتف ..01062290653

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى