الرئيسية » مسابقة الشعر العامى » مدد .مسابقة الشعر العامى بقلم / سناء فتحى عبد الجواد يوسف ابو طبل من مصر

مدد .مسابقة الشعر العامى بقلم / سناء فتحى عبد الجواد يوسف ابو طبل من مصر

سناء فتحى عبد الجواد يوسف ابو طبل

مصر
ahmedsoma292@yahoo.com
اسم القصيده*مدد*
مداااااااد
مدد عليكى يا بلد
يلى مات فيكى الولد
وعمره أصبح مستباحمستباح

على ارض ملياها الضباع
نقول بكره جاى السند
يطلع بكره ذى ال فات
وشمس حجباها الغيام
وتاريخ دنسه الكبار
وسماها صقور واكله الحمام
ونهر نيل أبدا ما فاض
وحلالنا فيها أصبح حرام
ومداااااااد
مدد عليكى يابلد
يلى الوليد فيكى شاب
والشباب فى عيونها عتاب
والبنات ذى الولاد
عمرها ضاع فى سكات
لسه النعيم فى السما
ولا عمره ينزل أرضنا
وهى ارض الأنبياء
مداااااااد
مدد عليكى يابلد
الهم فيكى بيتولد
والضحكه بتموت فى المخاض
لا شيفه فيكى طوق نجاه
ولا سفينه بشراع
قادها داود فى طوفان
لسه الكبار فوق الجبال
والحصو مغمور فى الرمال
داسو عليه حتى إختفى
والصمت ساد كل المكان
يا حصوه إمتى تكبرى
وتفتتى كل الكبار
ال داسوكى بكبرياء
حتى إختفيتى فى النهار
مداااااااااد
مدد عليكى يا بلد
لسه فى محرابك ولد
جاى منصلبك هيكون سند
يرسم الضحكه على الشفاه
ويغسل بغيثه الغبار
ال غطى خير البلد
ويفيض النيل ذى زمان
على ارضها
ينبت زرع من صلبها
يتشد به حيل الولد
وتفتح الأم ثغرها
بصرخه ترج السما
وتسجد وتحمد ربها
وتقول رجع دم الولد
مداااااااااد
مدد عليكى يابلد

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. محمد الجريسي

    كلمات جميله وتستحق الثناء والتقدير والاشاده سلمتي وسلم نبضك ورقي حرفك وجمال تعبيراتك ارق تحياتي استاذه #سناء بالتوفيق دائما

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *