انا شوفت في الدنيا
بشر و لابسه وشوش
بسمع كلام معسول
اتاري العسل مغشوش
تضحك ف وشك لكن
الطعن ورا ضهرك
اقرب ماليك خانك
والقلب بقي محشوش
…..
……..
ومهما راح تحكي
مين اللي يسال فيك
يابو طيبه راح عهدها
اهو كله شمتان فيك
الكل فرحان فيك
الفرح بقي مش ليك
اصحي وفوق وانتبه
العلم مش ببلاش
هتسكت تعيش بطناش
والضرب من حواليك
……..
ياما اتكويت من ناس
وعملت نفسي كفيف
ولما جات فرصتي
عملت فيها شريف
هفضل لامتي كده
الوضع ليا مخيف
انا لازم اتغير
وابقي، واحد تاني
الدنيا دي وضعها
غش وكمان تزييف
……
حتي اللي حبيتها
مبقتش حباني
فجاه قالتلي انسي
شكلي وعنواني
وانسي اللي كان بينا
واياك تعود تاني
عشان فقير الحال
وحياتي علي قدي
كل الظروف ضدي
تعبت يازماني
…….
العشره ما تهونش
بس انتو هنتوها
واللقمه كات بينا
انتو اللي دوستوها
شياطين في هيئة بشر
فى الدنيا ملتوها
انتو قلوبكم حجر
ولا دفنتوها
الكلب صان الوفا
وانتو نكرتوها
درس انا اتعلمته
م الدنيا والوجاع
خفيت انا من المكم
كنتوا في راسي صداع
وداويت نفسي بنفسي
وبقولكم وداع
يا ديابا وسطينا
والاصل بني ادمين
……..
اصحوا وفوقوا بقي
الدنيا مش غابه
لا احنا شويه غنم
ولا عمركو ديابا
انتو تمامكو كلام
واخركم الحوارات
انسو زمن الفتوه
بتاع زقاق وحارات
دلوقتي بقي عصرنا
الود والطيابا
جمهوريه مصر العربيه
شعر العاميه
01149889168
