الرئيسية » مسابقة الشعر العامى » مريض نفسي مسابقة شعر العامية بقلم / انجى شرف من مصر

مريض نفسي مسابقة شعر العامية بقلم / انجى شرف من مصر

قصيدتي للإشتراك في المسابقة بعنوان مريض نفسي
للشاعرة / إنجي مصباح محمد شرف ( إنجي شرف )
شعر العامية
مصر… كفر الشيخ

ت/01095158776

مريض نفسي
عشان حابب تشوف يأسي
مريض نفسي
عشان عايشة معاك راضية
وفجأة اخترت إن انت تكون عكسي
مريض .. قلبك
ومنك .. ياما بيعاني
كأنك غاوي تتمسكن فتتمكن فبتودع وبالتالي
تقول هي اللي بيعاني
تزوق بالكلام سيرتك
فتقريبا ..
تقوللي ظروفي منعاني !
نعيد تاني ..!
نعيد مشهد تملي ملامحه مش واضحة
ف اثور ضدك
ف اكون هي أنا الجارحة
واكون مطرودة م اللايحة نقول تاني بدون تجريح ..
أنا خارجة من التوهة بكام تصريح
لا هعرف تاني غير نفسي
ولا هعشق مريض نفسي ولا هقبل يزيد يأسي
مريض نفسي
وكنت علاجه ف الوحدة
يادوب تسكين
وعشقي كان صريح جدا
عشان معرفش ف التلوين
ياعشق وناقصة اركانه
وكان النار وكانت هي دخانه
ياليل كداب بتتمرد علي العاشقين
مين سايب ومين اتساب وخاين مين ؟
ومين كان شكله ف الظاهر
ألف مكتوبة ف الآخر بدون تنوين
وكان ف وداعه م الساكتين
حروفنا مصرة توصفنا إننا مرضي نفسيين
ودي الصورة ..
تلاقي العشق بزيادة .. فتتمرد
تسيب اللعبة مكسورة
ف عزة نفسي توجعني
ف من أحلامنا أتجرد
ف ضاع الحب لمجرد .. إننا مرضي نفسيين

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *