مسابقة الشعر العامى

مسافر من غير عنوان .مسابقة الشعر العامى بقلم /محمد حسين جاب الله من مصر

محمد حسين محمد جاب الله
مصر محافظه المنيا
٠١٠٦١٨٠٣٧٢٠
[email protected]
نوع القصيده : “عامي ”
بعنوان : مسافر من غير عنوان
لكل عنوان حكايه
يحكيها الطير فوق الشجر
ولكل دمعه شكوايا
يبكيها كل البشر
بين السطور أكتب حروفي
من الوجع تنكسر
تايه أنا ليه
مش لاقي مرسى ولا بر
ولا عارف لفين
سبقتني محطات العمر
مسافر من غير عنوان
والطرق مرار في مرار
والسؤال بينادي سؤال
أمتى ليلي يبقاله نهار
للشمس ضلايا وضلايا
يتخفى فيها الدار
وأكتب على داري
مسافر ومطول المشوار
لكن سكتي غريبه
لا ليها صاحب ولا جار
يا صحبتي فينك ناسيه
الحزن بقا ليا حصار
يا دمعتي ليه قاسيه
كفايه ياعيني اللي صار
غربتي في وحدتي
والقلب صبح مكسور
وأبكي لمين ولمين شكوتي
وأنا على الببان بدور
قدامي خطواتي حيرانه
زي الفراش فوق الزهور
يمكن لبكره نسمة أمل
يرجع فيها القلب مسرور
شايل في عيني الفراق
والفراق مالي السطور
ودعونا الحبايب وراحوا
قادوا لشموع الحرمان النور
ياصبر فين أراضيك
وأجي إليك وأزور
كفايه ترحال ده العمر مال
مبقاش للفرح شعور
لسه الموجه بترميني
أتغرب ومالي عبور
يا بحر دي حكايتي
عنواني غريب وموالي صبور

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق