ط
الشعر والأدب

مش حيدوب الجليد الشاعر/ مدحت عطية

مدحت عطية

مش حيدوب الجليد
لو سبتينى .. وحيد
مش حتغيب الشمس بكرة
مش حبكى .. وأروح لبعيد

أكيد حعيش .. أكيد
وأبدأ .. مع يوم جديد
أكيد حتنام أحزانى
أكيد حيجى العيد

الحزن مش طريق
أمشيه .. في دمعى غريق
ولا الدموع .. أبدا
حتكون فى بعادك صديق

قولى غصب عنك
عايز أسمعها .. منك
قولى مش أنت
قولى أنا .. مش إنك

تلج الجنوب
مش همه .. أحزانى
ولا يمكن حيدوب
مهما الفراق .. ودانى

تبقى الشمس .. جايه
ومش حيدوب الجليد
والبحر فيه .. ميه
والفجر لسه وليد
وفي بعادك أبدا
مش حيدوب الجليد
مش حيدوب الجليد

مدحت عطية

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى