الاسم علاء محمد السعيد ابوذكري
مصري يعمل بالخارج
تليفون 0508361463
مسابقة الشعر العامي
============
مش كفاية انك تعيش
===========
الحقيقة ف الحياة إنك تعيش
مش نَفس طالع وخارج
في الدجى لو حتى حالِك
يبقى حَالك هو حَالك
والقضيَ فوق احتمالك
يبقى صوتك
نبض موتك
والكلام أصل لسكوتك
مش كفاية انك تعيش
زي صورة عالأفيش
الحقيقة ف الحياة إنك تغني
تلضم الاحلام بنفحة م التمني
وبوجودك شد عودك
نغًمُه لحن لخلودك
عَلًمه يحلم معاك
يبقى نجمه من سماك
يبقى ضلك
يبقى كُلك
يبقى صاحبك لو هداك
مش كفاية انك تعيش
زي صورة عالأفيش
الحقيقه ف الحياه انك تكون
قلب نابض ف السكون
حلم بيدوب ف الحياه
تبقى عشقه ومنتهاه
تبقي راسم نور لبكرة
والخطاوي تبقى ذكرى
تبقي فكرة
تحمل الاحلام لبكرة
مش كفاية إنك تعيش
زي صورة عالأفيش
===========
علاء أبوذكري
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
