الرئيسية » مسابقة الشعر العامى » مصر الصبية.مسابقى شعر العامية بقلم / عمرو زين العابدين محمود من مصر

مصر الصبية.مسابقى شعر العامية بقلم / عمرو زين العابدين محمود من مصر

عنوان القصيدة ( مصر الصبية )
مصر الصبية فتحت ايديها وضحكت وقالت
تراب بلدكم امانه فى ايديكم شدة وزالت
اوعاك يا ولدي بالدمار فى يـــــوم تخـــــرب
دا الجرح ذاد فى القلب واسال مجرب
افرح يا ولدى على طول كدا وابتسم
ايام قليله وارضى يا ولدى باللى انقسم
********
لو يوم مرار استحمله ودوس عليه
مانتا ياما من نيلى شربت العسل
أرضى بتنده عليكى يا ولدى اوعاك تسبني
دا انا اللى حبيتك يا ولدى وانتا حاببنى
رضعت من نيلى يا ولدى وصار فى دمك
بقى هان عليك كدا يا ولدى تهين فى امك
*****************
اتعب عشانك والبسك من نفس توبى
الاقيك يا ولدى بتخرب كدا فى دروبى
سامحينى يا أمى والله هو فاض بيا
اسمع يا ولدى وافهمني حقك عليا
ازرع وصنع وافتدى وابنى بلدك
وكفاية فكر وسهر دا الفكر هدك
****************
خليك فى واجبك عشان يا ولدى اقدر اواجبك
اوعاك تخرب فى المصالح والمصانع
ماهو وقف حال عليك وعلى الجيل اللى طالع
يرضيك اخوك يتشتت من بعد منك
طب ليه يا ولدى تزيد فى همي وتزيد فى همك
نسيت خلاص انى انا أبقى يا ولدى امك
*************
وهان عليك تقتل اخوك لحمك ودمك
فين الشهامه والمحبه والتواضع
فين اللى هيخضر اراضى ويبنى المصانع
فين اللى هيعلم بقى الجيل اللى طالع
عايزين نحول من قلوبنا النار لـجنه
عارفين اساس المجد ايه هو عملنا
************
الاجتهاد مع العمل نبنى وطنا
نرفع علم مصر الجميلة فى كل شارع
نحلف لقمر الليل من الصبح اللى طالع
مستحيل حد فى يوم ياخد مكانا
مصر الاصيلة عمرها ما كانت لغيرنا
حتى اسال النيل والهرم واسال زمانا
****************
هيقلولك ان مصر جيلها طالع
قادر يواجه اى صعب واى مانع
حالف ليبنى المجد ويزيده بحلاوته
ويحقق الحلم اللى كان على الارض ضايع

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *