الرئيسية » الشعر والأدب » مصر بــتناديكوا : قصيدة عامية الشاعر \ طارق فريد

مصر بــتناديكوا : قصيدة عامية الشاعر \ طارق فريد


انا كنت بنت محجوزة
اسمي المحروسة
محروسة من ربي وبيكو
ومحجوزة لابن المحظوظة 
كان جمالي وسحري فيكو
وسماري بلون شمسي الشموسة
وليلي ونهاري ..
كان حلم اي عروسة
وأأأااااااااه على مية نيلي
مع صوت الجاموسة
تروي وتزرع وتحصد
بكل ارضي المحروسة
وف يوم ..
جت ناموسة مدسوسة
فكرتها من اهلى حنينة
لكن طلعت جاسوسة
مصت دمي وهرتني قرص
ونخرت في جسمي زي السوسة
واتعورت ..واتوجعت …
لحد ماتملصت ملص ..
وكل الهاموش والناموس
قاعد ينهش فيه قرص
واهلى وناسي وحبايبي فاتوني
ولا حد منهم بص………
حسرانة على شبابي اللي راح انا
زعلانة ان قاعدة معاكو هنا
خسارة فيكو لقمتي
ياللي ماعرفتوش تصونوا نعمتي
كلوا زرع السموم …..
ياللي بعتوا ارضي وهدمتي
ياللي لوثتوا ميتي
كفاية حرام عليكو
اتهرت جـتــتي ..
خلتوني مديت ايدي للغريب ..
وانتو اهل حتتي
نايمين متخدرين ومش داريين
بدموع سايلة على مخدتي ……..
يالا ياولادي .. اصحوا
ذاكروا وانجحوا
ازرعوا وصنعوا ….
واسمي للعلا ارفعوا…
انا مصر بتناديكو..
اسمعوا ولو مرة .. اسمعوا…( طارق فريد)

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

كما كوبرى ثلج .. بقلم الكاتبة / حكيمة جمانة جريبيع .الجزائر

كما كويرة ثلج ..بيدي ذاب عام..وما ذاب وجعي العنيد أفرغته في جوف الفرح ركضت به …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *