الرئيسية » مسابقة الشعر العامى » مصر .مسابقة الشعر العامى بقلم / عمرو اللمعى من مصر

مصر .مسابقة الشعر العامى بقلم / عمرو اللمعى من مصر

خاص بالمسابقة
فئه القصيدة العاميه
عمرواللمعي
مصر
01097010703
(البلياتشو)
مفتتح
بلبل حيران في الدنيا
ورموني في لعبه شطرنج
كلمت وزيرهم قتلوني
ورفعوا التقارير للكينج
قالولوا ده بلبل حيران
مش فاهم قوانين اللعبه
مفيهوش غير نص لسان
واخره يخبط في الطابيه
كان بيقول لأبو قردان
فاهمينك يابن الهبله
بكره يثور البركان
ونبطل نسمع شاديه
و ان مات بلبل بحصان
بكره تخونك الطابيه
(البلياتشو)
بلياتشو سارح في البلاد
بوزع الفرحه
وبشوفها في عيون الولاد
شجرة نخيل طارحه
كتاب مفتوح للجميع
جميل اوي
رائع بديع
بس الكتاب 100 صفحه
كتباه طيور جارحه
قاعدين مع الولاد
اسمع معايا الحدوته
واوعي تقول ملتوته
قبل ما تجرب ياسيدي
تقف مكان البلياتشو
أول فقره في العرض
ملعون تراب الارض
اللي خلاني اتنطط
واللي جارحني مزئطط
وفاكر نفسه شاريني
وضحكه عليا فرض
تاني فقره معايا
فقرة نط الحبال
هقول كلام جوايا
ف شعر او موال
اسمعوا واضحكوا
يا عيال
اللي انكسر جوايا
مج مش كوبايه
مانا اصلي كلي إزاز
مكسور جوه الحكايه
تالت فقره معايا
فقرة استغمايه
حد يغمي عنيا
يمكن مشوفش تاني
وأبطل التأليف
وكتابه الأغاني
وانزل مع الجمهور
ثواني
ندور في الزمان
علي بلياتشوا
تاني
‫#‏عمرواللمعي‬

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *