مسابقة الشعر العامى

مصر ولو .. مسابقة الشعر العامى بقلم / سميرة محمد الإسريجى من مصر

خاص بالمسابقه(شعر العاميه)
سميره ابراهيم محمد الاسريجى
مصر
ولو
ولا ميت رصاصة غدر
تقدر تفرق شملنا
جمعنا كلمة حب
م القلب حابين بعضنا
مسلم مسيحى عمرنا
ماهان علينا دمنا
ولا بعنا ابدا ارضنا
اما اللى خانوا واعتدوا
وباعونا للى غدر بنا
ابدا ما كانوا مننا
ولاميت رصاصةبغدرهم
تقدر تفرق شملنا
ده نبينا طه المصطفى
لما الإله ليه اصطفى
وصاه علينا كلنا
وصانا نبقى لبعضنا
ولا فتنه تبعدنا ولا
ولاكره يهزم ودنا
ولا ميت رصاصه بغدرهم
تسوى الرصاصه مننا
تضربها قوة عزمنا
على اننا نفضل تملى كلنا
بالحب نحمى ارضنا
ولاميت رصاصه بغدرهم
تقدر تفرق شملنا
احمد وحنا ايد ف ايد
الدم مصرى ف الوريد
وبكره جى نهار جديد
وفيه هيرجع حقنا
من اللى باع نفسه خان
واللى بفعله كان جبان
ضرب الكنيسه فى الاذان
والشكوى منا لربنا
من حزن ساكن جرحنا
من اللى قصده ان الخصام
يقدر يفرق شملنا
مش راح نسيب يوم حقنا
ولا فتنه تكسر ودنا
ولا ميت رصاصه بغدرهم
تقدر تفرق شملنا
———-
سميره ابراهيم محمد الاسريجى
مصر

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق