الرئيسية » مسابقة الشعر العامى » مصر ياأم الطرحة خضرة..مسابقة شعر العامية بقلم / أمل صالح من مصر

مصر ياأم الطرحة خضرة..مسابقة شعر العامية بقلم / أمل صالح من مصر

اسكندريه – مصر
شعر عاميه
¤<<{{مصر ياأم الطرحة خضرة}}>>¤

ياللي نبضك صوته دافي
ياللي نيلك نبعه صافي
ياللي وقت ماتحتاجيني
راح اشيلك فوق كتافي. .
وانشر الدنيا بملامحك
ياللي لوني زي قمحك
ضلعي وقت الجد رمحك
شدى رمحك قومي عافي. .
واصلبي عودك ف ضهري
راح اقدم روحي مهري
لو فداكي سهل عمري
حتي عمري لااا ماكافي. .
راح بدمي افدي دمك
وامحي منك كل غمك
ياللي همي يبقى همك
اوعي مني يوم تخافي. .
او تقولي عني بايعك
او بسيبك للي بايعك
دانتي لو سكتي سامعك
اصل صمتك صوت حروفي. .
صوت انينه صرخ صامت
وقت جرحه يبقي ساكت
جوه منه الدمعه ماتت
بس نبضه حي دافي. .
جوه نبضك سرسبيني
بين ايديكي لملميني
وف امانك عيشيني
واقتلي جوايا خوفي. .
وازرعيني ورد ارضك
واقطفيني يوم ماأعارضك
دانتي عرضي وانا عرضك
وانتي وردي بين كفوفي. .
مصر ياأم الطرحة خضرة
فوق كتاف الظلم قادرة
عيشتي دايماً مصر حره
عيشتي ياأم النبع صافي. .

بقلمي. .
《أمل صالح》

تعليقات

تعليقات

عن همسه

فتحى الحصرى صحفى فنى ومصور فوتوغرافى محترف ..الصورة عندى هى موضوع متفرد قائم بذاته والكلمة هى شرف الكاتب هكذا تعلمت من اساتذتى فشكرا لكل من تعلمت منهم

شاهد أيضاً

مصر ست الكون بحالو. مسابقة العامية بقلم / محمود ربيع من مصر

قصيدة عاميه (مصر سِت الكون بِحَالو) محمود ربيع عبد الحميد مصر اسيوط ديروط …………………………………………. مصر …

تعليق واحد

  1. حينما تشدو الحروف وحينما ينتابك احساس العشق للمعنى وحينما تجد الحروف ملاذا فاعلم انك بحضرة الشاعره المتألقه امل صالح سلمتى لمصر يابنت مصر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *