الرئيسية » الشعر والأدب » مظلومين .قصيدة للشاعر محمد توفيق

مظلومين .قصيدة للشاعر محمد توفيق


محمد توفيق
مظلومين

———————-.
مظلومين
احنا الاتنين مظلومين
نزرع الفرح فى جناين
نزرع الشوق والحنين
نروى بدموعنا الأمانى
وننتظر تعب السنين
ييجى غيرنا يُحصده
ويقلعه من جدوره
بدون ما يسأل
زرع مين؟!
تملا عيونا الدموع
يملا قلوبنا الأنين
لا بأيدينا نشتكى
أو نبين رفضنا
وأن احنا حتى غضبانين
لَا تَعبنا فرحنا بيه
ولا عشناحتى مرتاحين
مظلومين
احنا الاتنين مظلومين
————–
يازمانى ليه معاندنى
ليه فى وسط النار تسيبنى
عمرى كله راح معاك
وكل مره أقول فداك
وانسا نفسى وسعادتى
وانسا عمرى وانسا قلبى
كنت يادوبك عايشلك
كنت عايش لرضاك
يبقى من حقى عليك
والسعاده بين ايديك
ذى ما بتدى لغيرنا
احنا برضه محتاجين
ولو دخلت فى قلوبنا
هتلاقينا مظلومين
مظلومين
احنا الاتنين مظلومين
————-
عشت عمرى أبنى أمال
وقصور من الرمال
ولما جه الحب الحقيقى
حب أكبر من الخيال
هز كل حاجه فيه
حب رجعلى شبابى
بالدقيقة وكل ثانية
حب بينلى طريقى
وفى هواه فتح عينيه
واتضحلى ان اتسرقنا
وزرعنا فى ارض غيرنا
وفى ثوانى راح تعبنا
بس مليانا الامانى
اننا بالحب تانى
هنزرع الفرح فى قلوبنا
اللى ضاع منها سنين
ومظلومين
مش بقولك مظلـــــومين
——————- .
شعر/ محمد توفيق

تعليقات

تعليقات

عن همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

شاهد أيضاً

الجزائر والمصاب الجلل .قصيدة للشاعر محمد ماجد دحلان.( شاعر الصومعة) فلسطين

قصيدة (((الجزائر والمصاب الجلل!!!!!))) طائرة تسكب الموت على ارض الجزائر تعلو اصوات الثكلى والحرائر  تفتح …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *